豬年大年初一,祝大家新年快樂,身體健康,心想事成! 喺日本當然無農曆新年假期,為咗慶祝新年,自己又開心吓,所以今日著到成個利是封咁返工! 今年第三年喺日本過年,每年都有東京的好友寄自家製蘿蔔糕俾我,等我過年都有得步步高陞!除咗煎糕食,仲整咗個賀年一品鍋。年三十晚行過超級市場,見到寄せ鍋set半價。個set已經有料仲有湯底,我再加多啲蜆同菜,一煲過已經好好味!呢個就係我喺日本過年的小小慶祝活動喇!