呢排Marie Kondo好紅，Facebook、Netflix 同YouTube都成日見到。如果有睇開，都知我由搬嚟呢邊住就開始實行佢嗰套怦然心動整理法。 最大的得著係而家奉行四季衣櫃，完全唔駛換季。屋企無太多雜物，有足夠的空間。住得舒服之餘，亦有心機去睇下有無一啲細節位可以再執好啲。 今次想分享電線收納，一直睇呢個電線位唔順眼，終於揾到個啱size嘅籃放好呢個拖板。因為部舊MacBook係由香港帶過嚟，連埋個轉插太重，所以會拖到成個拖板返轉。有一日突然想揾個盒裝住佢，可以固定返個位。行咗好幾間100円店都揾唔啱，因為最底要有個位過到拖板條線。最後行CanDo，無意中見到呢個籃竟然完全啱心水。返到屋企兩分鐘解決咗呢個問題，好開心！ 呢啲生活小節，都可以係幸福快樂的來源呢！
