為迎接新一年，係時候為屋企轉新look，進行換窗簾呢一個大project！ 當初搬入嚟住的時候，窗簾已經準備好。雖然唔係特別鍾意的款式，但係唔想浪費，就打算用一排先再算。之前去東京探朋友，見佢屋企的窗簾好靚，一問之下原來喺Belle Maison買，所以又燃起我換窗簾的念頭。 一般日本家居的窗簾都有兩層，底一層紗，再一層窗簾。由於屋企的座向有點奇怪，廳的窗同隔離一幢太近，所以主要光源就落在房的窗。由於唔想擋咗屋企主要光源，就決定房用無遮光的窗簾，而廳就可以隨意揀。 廳的窗簾想揀colourful的顏色，開心的感覺，好快就揀定中間的一張。牌子係Mini Labo，日本製，1級遮光。最重要呢張係有防污，因為飯枱喺窗旁邊，怕食飯會容易整污糟。之後揀房嗰張先最難，原來無遮光窗簾又要有鍾意的款係超級難揾！！！最後揀定右邊呢一張，呢張完全無任何function，中國製，反而比廳的更貴呢！ 揀定窗簾，就要配底的一層紗。既然要換，就換有function的。最後去Nitori買，就係左邊呢一張。呢張有UV Cut 87%，遮熱保温，遮像功能。用咗幾日，真係覺得室內無咁凍。 窗簾大致係基本尺寸，所以揀啱尺寸就可以，唔需要訂造。原本budget 20000円換窗簾，最後17000円就可以了。換咗合心意新窗簾，每日喺屋企都覺得心情好好呢！
