尋日落咗成日雪，趁今日好好天，又可以出動喇！ 今次要介紹我的口袋名單，喺札幌站附近的Pie & Crepe・Clover。由札幌站的Yodobashi Camera向北海道大學方向行，第二個街口左手邊就會見到。 小店形式大約有10幾個座位，有各樣鹹甜的crepe同pie。我的最愛係Raw ham crepe配芥末沙律醬，再加杯Black coffee，只係530円。呢個組合係我late breakfast又或者下午茶的心水選擇。此外，不同季節亦有期間限定，保持新鮮感！ 由於小店關係，店方亦註明不可作温習用途。大家都好守規矩，唔會逗留太耐，希望小店長做長有！
