好耐無出過飲食post，等我都寫返個孤獨美食家系列先。 自己一個人過咗嚟住，成日都有機會自己食飯，好彩日本好多人都會穿州過省做嘢，所以自己一個人食飯都唔會覺得奇怪。 呢幾日最高氣溫徘徊28-30度，諗緊食咩好的時候就見到Mia Bocca的Poster⋯⋯唔駛諗，一於要呢個夏天期間限定。 上年夏天第一次食呢個海膽凍天使麵，立即覺得驚為天人！以新鮮道內海膽，配上天使麵，用少少鹽、香草同黑椒調味。清新以外，還品嚐到海膽的鮮味呢。上菜的時候，碟係預先雪好，由第一啖食到最後都可以保持温度。 去Facebook like佢地個page會有贈品，lunch時間係drink，dinner係前菜一款。呢一餐連稅1598円，如果大家夏天嚟要試下呢！
