由今年一月起，工作開始忙。不過最忙都係剛剛3月尾4月頭，轉年度，好多同事轉部門，要交接，又有好多新同事要認識。除返工時間外，仲有大大小小的歡送會同迎新會。雖然唔係強制要去，不過都係要俾面出席。 有時忙的時候，都懶去煮飯，又或者會少休息。今年的目標係要好好過生活，照顧好自己內外，唔好忘記當初過嚟生活，都係想搵返自己。經過呢年半，慢慢搵到自己的步伐同理想生活。感恩自己一直擁有很多，亦明白快樂唔一定由物質而來。反觀以前有好多物質，未必帶來快樂，可能仲會帶來煩惱，以前每一次執衣櫃都會有呢個感覺。明白減去不必要的，自己更快樂，物質如是，生活如是！
