上一篇講跣低左，第二朝就收到新雪靴，真係好啱時間！ 上年買左小樽製的都好好著，但係半年冬天都著住佢都實在有d悶，而且又想買對weekend襯casual衫，所以早幾個星期就開始睇。日本都有Sorel呢個牌子，但係一直睇唔啱款，好彩同好友傾開，佢幫我喺mytheresa搵到呢個款同顏色，真係好啱心水。其實送香港會平多港幣200幾，不過都係想早d著，一年著超過100日的話，其實每日只係HKD 2，都係早著早享受啦！ 呢個weekend兩日都有出街，尋日一到即拆盒，好彩size啱亦無刮腳，著上腳都好輕身。尋日出街都仲有d濕的冰路，行的時候都係會跣。正如上一篇所講，無一對鞋係完全防滑，都係要靠行的技巧。今日落大雪，可以試到防水，而且保暖都真係好好！唯一有d唔習慣係呢個鞋底比另一對厚，行的時候要適應，今日已經比尋日好左！ 保暖用品係呢度必需品，所以一定唔會慳，寧願貴都買自己最鍾意的，貴買平用！
