趁呢兩日溫度回升,條路無雪,今朝返工順道去附近的回收中心放低d紙箱,亦出返個post講下垃圾分類。 上年初初嚟到,真係有d唔習慣將垃圾分類。一星期收兩次可燃垃圾,要用特定黃色垃圾袋。其他日子分別收塑膠、膠樽鐵罐、紙、不可燃垃圾及樹枝樹葉,有d一星期一次,有d兩星期甚至一個月一次。最初用"Sapporo City Garbage Sorting App"提自己邊日掉邊類垃圾,慢慢已經記得,亦大約知道點樣分類。幸好屋企附近有回收中心,紙箱、報紙雜誌、衫、金屬及小型電器都收,暫時處理日常垃圾都無大問題。 自從要做垃圾分類後,每次買嘢都會諗下將來唔要的話,要點樣處理⋯⋯間接令到我買嘢審慎d。其實咁樣都係一件好事,可以減少好多不必要的浪費。