尋日出左去行街，經過狸小路突然肚餓想搵野食。平時一定會揀cafe，可能而家天氣凍，所以揀左食烏冬。 誤打誤撞入左一間大叔睇馬的小店，原來星期六下午係賽馬日。我一個女仔入到去當然有d奇怪，我自己唔介意，坐低即叫個鍋燒烏冬先。四周圍望下，原來呢間小店真係同賽馬好有關係，牆上貼左世界名駒的poster，好特別。再聽下大叔們的對話，講下大家買邊隻，又睇下電視賽馬直播，好得意，突然覺得好有「孤獨美食家」的感覺！ 等左一陣鍋燒烏冬就到，整鍋熱辣辣送到面前，好興奮！看似平平無奇的鍋入面有好多不同的配料，天婦羅餅、雞肉、魚蛋、蛋、年糕、冬菇、蔥及烏冬。以前唔太鍾意食蔥的我，住左一年後，反而成日食蔥，飲食習慣都改變左呢！ 好肚餓的我當然食得晒，食完全身暖晒，又可以繼續行街！
