由細到大, 經期都唔準, 有時準時每個月報到, 但最長長達8個月無黎M。結左婚之後, 同老公一直都有計劃想要小朋友, 所以真係決心要好好咁調理返好個身體!因為好多朋友都結左婚但一直無小朋友, 而熟我的朋友們都知我PCOS難有BB,依家有左, 都有好多人問我點做到。所以想係度分享一下我成功懷孕之路... 純分享; 全自費; 無廣告成份。現在: 2020年12月2日-BB 33W+2019年8月-因為工作非常繁忙, 壓力大, 飲食+作息不定時, 體重經常+/-4~5kg不定, 8個月無黎M。由於太耐無黎M, 所以"的"起心肝去睇西醫, 以前我有睇過中醫, 但幫助都不大,同埋唔會即時有效果, 因為太耐無黎關係, 所以想睇西醫打支通經針先。但又唔想去普通門診睇, 所以求奇搵左間婦產科診所黎睇，估唔到，就開始左我認真準備懷孕之路。由於第一次睇呢個婦科醫生, 除左我講哂我自己個情況之外, 醫生為保安全, 佢都會先驗左孕先, 確定我無懷孕就問我意願係只係想黎M, 定係想懷孕。當我答完想懷孕後, 醫生就先幫我做個簡單陰照, 睇下我子宮個情況先, 之後再安排我抽血驗身, 2星期左右覆診。當時醫生話係我兩邊子宮都搵唔到卵子, 雖然咁耐無黎M但子宮壁都唔算太厚, 就開左D通經丸比我, 之後2星期返黎睇報告。食完藥黎M, 睇報告, 醫生話我所有野都正常, 鎖定左唔識排卵問題, 令我未能成功懷孕。如是者, 佢就教我點計排卵期, 每朝量體溫, 要記錄好體溫, 邊D日子行房係最理想, 同埋定時食排卵藥。經過2,3個月,無錯, 藥物令我經期變得準時。不過經期就由5日變成3-4日, 經量亦好少.. 可能我本身身體真係唔多好, 唔足夠我個個月黎M掛... 我有定時返去睇醫生, 醫生亦有安排埋我老公驗精子... 後來醫生都只係話可能唔岩時間行房... 索性一次過開2個月藥比我咁,同埋有教埋我咩體位、姿勢...做完之後要點會增加懷孕機會。期間我都有跟足, 同埋開始食supplement+搵方法點令自己容易懷孕。
