相信每個人心目中都有個TO DO LIST 我呢個港女都唔倒外 冰島可以一次過為我個list剔上好多個剔號 行冰川 在板塊之間走過 上火山 遊冰河湖 泡溫泉 騎冰島馬 仲有最重要係 睇北極光!睇北極光!睇北極光! 加上某女歌手(唔講邊個啦)多年前一隻CD封面套 更加肯定冰島一定要列入人生必到國家 ! 曾經冰島係一個好遙遠既地方 遠到係書本先會見到 但特價機票如同荒漠中既甘露為窮港女帶來福音 告知我去冰島不是夢!! 當然都仲係有一定既距離 大約係先到 慕尼黑 法蘭克福轉機 搭20小時左右 咁 遠啦 ! 介紹返 冰島係一個火山與冰川組成既一個地方 正因為特殊既地理條件 為佢帶黎左與別不同既風光同地貌 人口約有30萬左右 而雷克雅未克係地球上最北既首都! 唔講得笑 睇住冰島大自然景緻係會醉!! 言歸正傳 兩星期假到底如何分配？ 純遊覽冰島 還是到多一個北歐國家 人係貪心既 加上open jaw咁買機票似乎平少少 所以最後決定 冰島8日挪威4日仲有一二日飛行時間 大鄉里第一次去咁遠 仲要唔識揸車當然要做足功課啦 畢竟8日冰島真係要取捨一下 最終決定放棄北面米湖和賞鯨 做功課期間發現 local tour 配搭同選擇 多過冰島既警察 (利申:係冰島只係入境 見過一個警察) 如沒概念可以先在網上參考一下 所謂前人種樹 想要訂立一個適合的自己同旅伴既行程 其實唔難 但就要花d心思 因為唔識揸車既關係 基本每天也是join tour join tour 一大優點是 酒店接送 住到老遠 都不用擔心交通不便 省省住宿錢 不喜歡搬酒店的我們 結果4晚同一間酒店 ( Hotel Vellir $700/day堅老遠) 一晚是tour 包的酒店 最後兩晚是首都的apartment (Stay apartment $1000/day)睇價錢就知呢間係市入面 接下來就是重要的行程安排 原則是大路輕鬆的在頭 重點的在中後 最後一天閑逛買手信 這樣的好處就是每每有驚喜 不會因為比較而失色 (純粹個人意見) Day 1 blue lagoon Day 2 騎馬加golden circle Day 3 Lava Tube Caving +極光 Day 4 冰島西部 snæfellsjökull national park Day 5 冰島南部 vik + skógafoss Day 6 傑古沙龍冰河湖 冰川健行 + 極光 Day 7 Reykjavik 雷克雅未克市內遊 Day 8 Flights to Bergen 基本上所有tour都係香港訂好 最後就要準備行裝 一直以為冰島是一個寒冷至極的地方 但原來9月中冰島都大致有幾度 原因係北大西洋暖流帶和暖既海水到冰島 以致冰島氣侯沒那麼極端 好似係(帶返頭盔先) 講返人話 姐係唔洗西伯利亞人都去得 怕凍到我咁都冇事 衣服方面: 一件靚既防水防風外套是必須 (因為冰島天氣好似女人咁時晴時雨) 一件羽絨 u記 三四件冬天衫 (基本上外套冇除過 入面著乜都冇人知) 三件保暖衣 保暖褲u 記 手襪 厚足襪 冷帽 三條褲 泳裝 (溫泉用) 著法 保暖衣褲 -->冬天衫 褲-->羽絨 -->外套 其他 食物 :杯面 幾個 救命用(超市其實好方面 不過早關門) 清熱飲 小量零食 毛巾 (溫泉用)牙膏 牙刷等日用品 漫游電話咭 唱錢(歐羅) 相機 相機 相機 腳架 腳架 腳架 很重要所以要説三遍!! 我的i字頭手機 比我還要怕冷 常跑去冬眠 結果相機在重要時刻發揮作用 還有另一部wide angle 加防水既Re相機 功能也不容小看 最後就係一個好旅伴 !! 幸好我有個脾氣好 沒所謂 很會遷就的好旅伴 基本上旅程已經成功了一半 準備好!不一樣生日之旅出發！
