[冰島美食] 也許是Reykjavik 最特色的食物 驚為天人 要選最強中既最強 必定係呢樣 係一個陰差陽差既機會 可以一嚐冰島如此特色小食 能成功係一set 美味食品中突圍而出 做為一個伴碟小食 的確出色 登燈燈凳就係呢粒 冰島醃鯊魚肉 做法 將新鮮鯊魚肉 即是生 用醃料醃返七七四十九日 (醃料為商業秘密) 由於知道鯊魚肉油脂十分豐富 都不敢大口咬下 聞到那醒神十分既味道 衝擊著味覺 不禁利用其他食物包裹才放入口中品嚐 由於本人對魚生既口感 十分抗拒 結果咬都唔敢咬的情況吞下 吞嚥過程十分漫長 感覺像刷牙時 牙刷不小心頂到喉嚨的感覺 結果係那濃烈既味道 久久在食道不能沖散 等我講返句公道說話: 由於本人對食物的抗壓性比較低 好多正常普通食物都唔食 又正如榴槤 臭豆腐 唔係人人都輕易接受到 利申:喜愛食榴槤 對於未吃過此類食品的朋友 但試無妨 第二樣有特色食物為----------朱古力 一盒普通到係duty free 都能買到 包裝精美既朱古力粒 能夠輕易係包裝盒上感到冰島既傳統氣息 (盒上印有traditional Iceland) 心諗呢份冰島手信 一定冇死 大體得黎價錢合宜 連冰島leaflet 上都能發現他的蹤影 在拆手信呢個緊張環節 我能夠先拔頭籌食到第一粒 簡直與有榮焉 小巧的一顆朱古力 外層塗上黃色的粉未 聞下有一陣特別的味道 那似曾相識的感覺 係 鐵 打 丸 呀 哈利! 勇敢既我毫不猶豫將佢放入口 咬了幾口 那藥材味 緩緩地在口內釋出 下一秒我已經不能思考 只能靠神經反射在最近的地方拿紙巾 將之吐出! 根據非正式統計 約有一半同事會選擇吞左佢! 那是一個了不起的數字 "如果當佢羅漢果咁食 觀感就fit 曬" 冰島羅漢果之名 佢實在之無愧 又要講句公道話 遊左8日冰島 只發現兩樣特色食物 btw口味既野真係好個人既 係我呢個大鄉里層次太低 利申:冰島係我喜歡到既地方
