觀塘呢間峇裡島風格嘅打卡餐廳 一直深受港女歡迎 最近佢哋重新佈置一系列萬聖節裝飾 餐廳內滿怖打卡位⚰️ 最引人目嘅當然係門口嘅圓形鞦韆旁邊擺滿曬道具南瓜🎃、丫叉、蜘蛛絲🕸️隨手拎起一件都可以打到卡❣️而牆邊、鏡面同Menu 都加入好多Halloween元素👻 我哋今次一行4人 一齊嚟做打卡怪🤓*****************************Premium Set Dinner for Four ($1528)🍄蘑菇忌廉湯🦞招牌波士頓龍蝦生蠔海鮮凍盤海鮮排放得整齊 以大量冰塊保鮮有大大隻龍蝦、熟蝦、生蠔、帆立貝、青口蝦肉新鮮彈牙🍤 仲有醬汁可以點呢～ 🦪煙肉芝士焗帆立貝熱溶芝士焗成金黃色 賣相好靚 芝士加埋煙肉 食落咸咸哋咁 芝味濃郁 非常邪惡呀😈 🍝白酒牛油煮西班牙辣肉腸魷魚意大利麵非常香口嘅意粉 令人忍唔住一啖接一啖咁食西班牙辣肉腸同魷魚份量都好多 超級滿足呀😝 🥘香煎法式鵝肝意大利飯鵝肝煎得香口 充滿油脂香味意大利飯煮得夠腍 索晒醬汁 好入味 🐟香煎比目魚柳伴烤虎蝦配意式蕃茄龍蝦汁去骨比目魚柳煎得恰到好處魚肉軟腍 口感順滑 唔係乾柴嘅感覺仲有我最鐘意嘅香煎虎蝦 美味彈牙🤤 🐖厚切英國無激素保濕豚肉西冷配黑松露燒汁以粉紅色嘅薯蓉墊底 加上食用花 又一道打卡菜🥳豚肉西冷保留到濕潤感 唔會太乾身點埋黑松露醬汁 味道就啱啱好喇 ☕萬聖節限定熱飲：暗黑幽靈 ($53)作為打卡怪 當然要點返杯特色飲品呢杯焦糖焙茶Latte 賣相真係💯分拉花超靚 南瓜同幽靈造型好可愛 完全唔捨得飲👻味道就甜甜哋咁 焦糖味同焙茶原來都幾夾 🍠萬聖節限定凍飲：邪惡孟婆湯 ($58)🧟♀️紫紫藍藍黑黑嘅色系 灑上繽紛嘅糖 其實係竹炭紫薯牛奶 🫖熱陳皮洛神花茶 ($45)茶壺造型幾特別 港女養生之選🍓Strawberry Avocado Smoothie ($52) *****************************小結：呢間餐廳完全喚醒我體內嘅打卡怪元素📸同朋友喺門口嘅打卡位影咗好多靚相 超滿意🥰推薦鐘意打卡嘅朋友去應下節🎃而餐廳食物質素亦唔錯 以打卡餐廳嚟講係有驚喜❣️為食指數：8.3/10性價比：8/10環境舒適度：8.5/10💜Be Leaf (觀塘) @beleaf_cafe📍 觀塘敬業街55號皇廷廣場地下2號舖
