1026小豬6歲生日啦！今年邊度都唔洗去就去camping啦～ Camp one下午3點check in我哋1點幾去到東涌站超～多～人～三日連假人人都被迫留港活動所有去離島巴士都排晒長龍（請預留時間等車）我哋要坐11/23巴士線去塘福真係第一次見原來係坐旅遊巴假日大人$27小朋友半價沿路風景好靚真係似去左旅行一樣啊! 廿幾分鐘就會到塘福村點解要提旅遊巴士因為重點係冇提示落車所以我建議都係開住Google map睇住差不多到就襟鐘落車前再同司機確認係咪塘福村一落車就係停車場後面有條樓梯落去 落到去見到一片草地 周不時會見到牛群出沒去到門外就會有工作人員指示 總共有五間帳篷每個都一樣 內龐我拍左片有興趣可以去睇下https://www.youtube.com/watch?v=TzgvKK1r7ps 物品都一應俱全自備毛巾可以啦~ 行出去5分鐘左右係塘福沙灘 黃昏同早上既景色截然不同點擊圖片放大 小朋友最開心就係玩沙啦! 到左夜晚大朋友小朋友最鍾意既BBQ啟動 本身Camp one其實有package叫BBQ到會但真心寧願自己辛苦D買入黎燒價錢大概應該平一半左右（小資媽媽係咁架啦！）呢度環境真係算好好天氣好影相一流點擊圖片放大 有座地冷氣有牛角扇煮食用具菜刀都有齊有雙人床同一張梳化床戶外體驗得黎又唔辛苦好適合小朋友搭車都算方便東涌入嚟唔洗半個鐘揸車人士要早一個月申請許可證 最後一站去埋東薈城Outlet shopping就真係似去左旅行嘞
