抗疫之路遙遙無期 有排都未飛得只好周圍逛逛當去左旅行繼上次迫爆西貢行萬宜水庫轉車轉車再轉車攪到小豬未開行先嘔吐都怕怕今次走悠閒路線 book晚黃金海岸酒店輕鬆玩 疫情期間 香港間間酒店都推出唔同優惠以我一貫既作風book酒店都係周圍格下價先官網訂$880 hkd都夠吸引 話晒海景房都好抵玩點知hotel.com平少少又可以用埋discourt code(不包早餐) Well~星期五晚價錢雙床大房算唔錯啦~點擊圖片放大 細個去黃金玩沙玩得多 住酒店都係第一次有番咁上下年紀又近海 內裡竟然一d都唔舊(可能內部翻新過)設計同裝修都算唔錯房內冇提供樽裝水但走廊升降機附近有水機 支持自備水樽我個小豬公主喺窗邊 邊嘆薯片邊睇pad 果然最識嘆係佢 休息一陣行出沙灘 天公造美 明明成個星期都落大雨但今日竟然可以玩沙 適逄沙灘重新開放 Let go~ 下午五點人流不多 畢竟星期五係工作日 由冬天講到而家既沙灘之行 成功!食埋富豪雪糕 最開心既當然又係佢啦~ 玩完沙行幾步就可以番去沖涼 最舒服今次~晚餐冇咩好推介 以前食過好食既執左又唔想食buffet (之前食過冇生蠔加上海鮮又唔多 唔太岩我同老大)去黃金商場果邊隨便入間餐廳解決食飽飽買埋野飲小食 夜晚邊睇HBO戲邊嘆 爽! 第二日hea到夠鐘先check out出屯門市中心食個brunch 睇下書 嫌悶既話可以坐幾個站去新屯門中心新屯門中心商場後面有個佔地頗大既單車場可以玩 租車大概$30 hkd/hr 大小同價 家庭車都可以租 規劃唔錯既公園 唔怕佢地踩出去危險如果係大仔可能踩多幾個圈會嫌悶就可以踩出去單車徑踩去屯門碼頭或者其他地方兜兜風屯門而家真係方便左好多 假日去一日遊唔錯!
