陰差陽錯 用Asia miles 換到一套直航札幌機票 (文末再詳細講) 有機會親眼欣賞一年一度既盛事 當然值得花點時間走走 被大雪遮蔽雙眼的比卡超 稍後有工作人員會為他開眼xd 早上來到人流不算多 點擊圖片放大 +3 恕我孤陋寡聞 其實好多作品我都唔認識 點擊圖片放大 有一隻我識...傻鴨? 工作人員會清理走多餘既雪 而唔會影響作品外型 蠟筆小生零食出現過既豬? 即使路邊既雪雕都好靚 點擊圖片放大 太田胃散既滑梯 都只係得三兩個小朋友排隊玩 會場前中後都有唔同既節目 場內連吸煙區都好有特色 賣力演出既歌舞表演 而最最最能留住我腳步既就係青少年既滑雪表演 年紀最細只有五六年級 應該係一個好受歡迎既動漫/漫畫因為隨處都見周邊商品 大隻細隻都好可愛 一路走到燈塔 禮成! 最後分享少少換Asia mile札幌機票既情況(唔算心得) 實際上我老大個ac換票果刻只係儲到18,500里數左 (來回一套係兩萬分最經濟既經濟位) 首先預計好我大概咩時間去 然後就係每日搜尋 冇錯 係每日 因為每日都唔同 有時會有後補 而我心水係新年後(初十打後)因為唔想人多又唔想貴 (但係換完去程先知原來撞正雪祭xd 仲要係book酒店時發覺市區酒店無敵貴先知) 我係一程一程咁換 因為一嚟我唔夠分 二嚟換單程已經機會好低何況來回? 所以要單程單程咁search機會比較大(我認為) 搜左一個星期左右幸運地比我搜尋到有10000里數換去程 回程如果換唔到單買算(果時咁諗) 然後我同小豬遇到club travel國泰機票特價一大一小來回$9,407 (老爺奶奶兩大人來回$10,592) 然後繼續每日search回程之餘又繼續簽老大張渣打asia mile卡 又比我搵到10000里數後補機位 然後等等等 見人分享後補機位成功既例子真係好少好少 捱到出發前兩星期都未有消息(11訂2月去) 打算單買回程 既時候 比我搵到15000里數回程 哈哈哈 15000對我來講已經好幸運 因為單買回程要差不多$4000而且我同小豬老爺奶奶已經cfm晒機票 要夾我地同一班機 諗番起其實都幾冒險 咁當然如果老大換到其他機位 佢自己回程都ok既 去程asia mile 10,000里數 + tax $376 回程asia mile 15,000里數 + tax $398 *只供參考唔係建議大家博一博等最後先換回程啊!
