下午5點55分機 3點到機場 收到港航Voucher 可以入VIP Lounge hea下 難得小豬唔喺度 緊係要嘆下啦！ 我以為會好多玻璃國既國民 畢竟港航都係玻璃國既 竟然外國人比較多 裡面都幾多飲品同食物 三文治 飯 麵 都有 飲品就都係酒類 果汁 5點55 準時出發 （呢兩次坐港航發現 佢地而家對於關閘時間睇得好緊 真係話閂就閂 好似冇情講 5點35閂閘 但係5點25先開始上機 上次見真係有人趕唔切要拎番果d人既行李落機添 但如果第一次坐飛機既人或者唔熟悉既人或者會遲 因為港航係要坐無人列車去2xx既閘口登機）去到首爾已經係當地時間10點3左右 加上因為航班上冇入境紙（真係第一次遇到） 落機大家都急急忙忙 又多人入境 最後11點半左右先可以拎齊行李走人問題嚟啦 坐鐵路 要轉車先可以去到明洞 一般機場巴士尾班車已經冇左 點算呢？我地不停上網做功課 發覺通宵巴士都唔經明洞 最後用最原始既方法 問人 巴士站有好多叔叔 出奇地英文好又有禮拜 佢話一般車（6015）已經冇晒 要坐特別班次 但係冇號碼 剩係話會去到City Hall 即上Google睇行去明洞都係十幾分鐘 叫我地企定排好隊 每人15000won 11點半有車嚟 11點8開車 12點半到City Hall 係寒風中行左十幾分鐘到Hostel 凍死人 放低行李即落樓食好西 先嚟一個部隊鍋先(^ω^)
