今轉一行6人 有媽媽有囡囡 仲有2個朋友仔 起初想book番宜野灣月亮酒店(可以睇我之前推介)超讚的 但我地個配搭都幾難安排房間 加上朋友仔budget 有限 最後決定Airbnb入手 Book一間民宿 個要求係3間房 廁所廚房基本要求 新淨 又唔想偏離市區太遠 (好似好少要求 但其實都幾難) 千挑萬選 比我搵到 步行去美國村15分鐘 揸車5分鐘 步行10分鐘路程有迴轉壽司 牛角燒肉 Mos burger Family mart...... 四周係住宅區比較靜同黑 有草叢(開發中既地方) 所以出去揸車比較好 步行的話我試過3個女仔行出去都ok 屋就完全冇令我失望同相片一樣 入屋後廳 另一邊影 開放式廚房 很有feel 廚房前面就是長餐枱 主人房連住浴室(亮點 我bb豬訓緊教) (因為第二日先影相 比較亂 而且冇影到廁所囧rz) 有兩個房間都係雙人床 冇主人房咁大 但訓兩個人一定夠 主人房係兩張雙人床泊埋 (3個訓教可以完全冇交集 太滾動(>﹏<) 如果有小孩的你一定懂) 廁所係乾濕分離 浴室有浴缸同企位沖花灑 出面有洗面盤同梳妝鏡 仲有洗衣機 同平台可以晾衫 獨立廁所 免治馬桶同洗手盤 廚房有好多廚具 仲有調味料 我地4日3夜 打過一次邊爐 煮左3日早餐... 總之 我地十分滿意 (我唔知可唔可分享Airbnb民宿條link如果有興趣可以留言 或者上airbnb搜尋美國村附近既民宿 應該搵到 因為唔多) 最後 價錢呢…我小資媽選擇得當然cp值回票價啦! 3晚5個大人HKD3274(換算大約$6.8) 3歲以下小人免費 我住的日子包括星期五六日喔!係咪超抵呢? 每人HKD655 4日3夜 一人價錢只夠我租一晚宜野灣 仲要係閒日先得啊~