第二次踏足呢個地方 感覺唔同左 旅遊點上多左好多人 國道多左好多車 而我同大佬多左個小豬又帶上老爺奶奶 先計一下數 點解沖繩好適合親子同自駕先 機程由香港飛去那覇只係約2個鐘頭15分鐘（去程再快點） 有小小孩既首要考慮就係怕佢坐飛機時抓狂 苦了自己苦了佢 2個鐘頭機做咩呢 上機 起飛 食飛機餐 睇套戲 降落 走人 佢乖乖既訓番個零鐘 仲正（今次小豬來回都有 突然覺得佢都算乖 誤） 講到自駕 其實帶小孩必須 大家舒服 不過就要做多點功課（後續） 其次因為沖繩只有單軌列車 最遠的一個站都到唔到一半景點 你想去出名既萬座毛 殘波岬 水族館 要坐巴士或者的士 但講緊既時間係由那覇去要兩個幾鐘車（水族館） 而且巴士班次小 要夾時間 識搵車 識落車咁 的士唔洗講日本係出名貴 而且咁長途唔洗諗 加上沖繩租車好平以我今次租車為例 日產8人車5日28500yen有埋基本保險同baby car sit 圍港紙2000都唔洗4個大人share每人每日一百銀（我唱果時6.8 hehe） 坐得舒服唔洗搬搬抬抬 至於油費當然平過香港一截啦 做個參考 5日我住喺宜野灣 機場攞車 最遠去過水族館 機場還車 油錢4986yen 340港紙 每位大人夾85蚊咋 揸車係咪好吸引呢？ 如果你喺香港揸開車 要留意既係佢地轉左轉右 行人綠燈 如果冇人係可以轉 所以無論你係行人定揸車都要留意 時速一定係慢 慢既程度係好多時都好似學車咁30/40 快只會喺公路 但最重要有品 打燈cut線 讓人係基本 唔好令香港人失格 租車我今次冇揀OTS因為貴 我用Times 我係經tabirai租 就好似d格價網一樣 入左你要求會搵最平既比你 之後會收到個e mail print出嚟落機就見到times既人比佢睇 佢就安排坐接駁巴士去攞車 我果日係星期六都好多人 大概30分鐘內攪掂晒 至於航班我坐港航 據我所知得港龍 香港航空同樂桃 扶老帶幼一定唔坐樂桃（真係好鬼迫）港龍又貴 年頭買定early bird票每人1400連稅 小小孩就750（話10分1正價價錢囉） 我朋友買樂桃計埋行李同稅都要1100 所以我覺得坐港航好抵 住宿我住宜野灣月亮酒店 早book 1000蚊晚 最平既房間亦係最低層 2床房 廁所都望到海 不過太低層樓下既人望到上嚟 不過我十分喜歡呢間酒店 後續...
