來一篇自駕遊後感去過幾處地方自駕遊(大阪,沖繩,北海道)算不上經驗豐富 但東京確實是蠻大的挑戰(如果你正考慮 自駕與否 可先先參考我的經驗再決定)首先 我認為東京自駕首要的是你在香港駕車的經驗怎樣?我佬恭係每日工作都要揸車穿梭鬧市的佢技術一定唔係十分好 但起碼是駕輕就熟因為東京車既速度同密度應該同香港不遑多樣 只是路一定比香港闊一點(笑)第二 行程如果是hea遊不用深入陣地(新宿,原宿,涉谷...)還好市區泊車是超貴的 半個鐘頭計算 等於你喺香港泊朗豪坊一樣(當然你有能力ok啦)半個鐘大約50銀左右(7算計) 咁當然都有泊車優惠 指定商場消費滿xxx 就免費一個鐘果d但鬧市唔多囉 泊錶位ok既 如果你搵到的話 (可參考我另一篇文章-違例泊車)又係等於喺旺角搵錶位咁 唔係冇 你泊唔泊到 同識唔識泊姐(笑)即使喺淺草同橫濱都一樣貴 但係唔難搵位後者更幾乎個個商場都有泊車優惠第三 公路收費 喺香港過條西隧我呢d小市民都牙牙聲東京既公路/隧道費包你骨隙都出聲首都高速 打機既朋友都唔陌生 但現實一上首都高跌一百幾十在所難免(最少)(佬恭好enjoy喺首都高揸車 畢竟係灣岸粉絲嘛 貴都值得)我地有一日行程去三井木更津outlet 要過橋過隧道先入到去 一程係2800yen左右(實數唔記得)雖然我一早已經知貴 但比錢一刻 赤到骨隙真係會出聲強調係一程 來回即是5千幾 咁大個人有冇行過要比幾百銀去行條橋同穿條隧道丫?(其實有ETC卡有優惠好似慳成3千幾 但因為麻煩我冇申請ETC)第四 你既旅伴 (我同佬恭帶埋小豬)當你行到腿軟 車泊喺停車場等你去 一上車腳umum就ok自駕比坐車做功課更要足 例如搵定晒你想去既地方MAP code去既地方係咪輕易搵到位泊車 等等...你/你個司機擔大任 決策 係邊走邊決定 (停車決定?要搵位停噃)所以旅伴/司機個質素好緊要總結:我冇後悔東京自駕 即使問題多洗錢多 但真係一個好好經驗 加上我地帶住個小小孩 駕車一定比坐車方便 因為唔洗揹住佢上上落落再拎埋2隻喼已經值回票價 我地去埋八景島 呢d比較遠既景點 唔洗左轉右轉 真係舒服好多