DAY 1行程:系滿漁市場 、outlet、瀨長島senaga lsland我地係香港神咁早就座7點30飛機去沖繩,所以去到沖繩當地時間只係上午11點。到步第一時間去取車喇,我地今次係OTS網租車的。因為我地揀左要接送,而職員就企係機場的出口,所以非常易睇到!溫馨提示:如果ots租車一定要揀接送,因為取車的位置是非常非常遠。 一出機場,已feel到天氣熱辣辣。而ots的專車好快就黎到喇!!基本上個個去沖繩旅行自駕的話都係揀ots租車,因為真係勁平,租7日車只係1600蚊港紙,同埋唔知係部車慳油D定車程太短的關系,一缸油竟然可以用到7日還車日,Woooo 排隊取車喇 買埋車保連同租車費,加埋25660日元。抵到爛。今次我地無租etc卡,因為行程比較小上高速。 今次租部新款小小既車,我地都好鐘意啊!部車設計實在太新款,我地開頭以為得車頭2對門開關。超白痴,去完第二個景點先知原來後面座位都有門可以開,只係個手柄係窗邊頂位 =0= 個個都話,第一次去日本想自駕就去沖繩啦,其實都岩既,沖繩景點對景點車程比較短,路面相對又比較小車,唔使下下上高速,但大家要有心理準備,但gps係會成日帶錯路既=.=''''(汗) ,因為沖繩太多太多分叉路,但gps又唔夠清晰,所以一有分叉路就好易出事,大家最好準備定部電話要google帶路喇 + 自已小智識去分析行車路線。 第一站:系滿漁市場我地眼訓到係飛機都無食到飛機餐,一上機就直訓到落機。落機第一時間就衝去醫肚先。由ots租車公司去到漁市場只係6分鐘車程。 漁市場設計就只係一條直路,所以非常好行。鋪頭就不多,但食物種類就多選擇的。點擊圖片放大 +6 海膽勁快比人搶晒,諗下就無架喇!點擊圖片放大 +5 醫飽肚就去行去隔離的手信店 沖繩必買手信 周圍都會見到有得買的面膜 唔小得就係沖繩黑糖啦! 連狗狗都有手信架!(沖繩好多都方都見到的)好快已經忍唔住要買野,乖乖比完錢去第二站! 第二站:outlet由漁市場駕駛去outlet只係5分鐘車程。停車場是免費泊車的,但泊車地方都幾大,車位非常多。 我地竟然可以係呢個露天outlet行左2粒鐘! 超愛著這牌子,大大話話淨係我自己都買過8對黎著。老公都多到計唔到喇!估唔到又可以係呢度敗左2對返香港著,又同老公1人1對,香港係暫時未見有得賣! 原本無諗住買既,之但係又心癢癢想買!最後係買左既!點擊圖片放大 第三站:瀨長島senaga lsland由outlet駕車去只需15分鐘車程!因為目的地所有車都係泊係路邊,係無特定既泊車位置,所以大家唔使怕會被抄牌。如果gps搵位置的話,google map瀨長島後,搵一間最近海邊的餐廳輸入電話就可以。 話咁快,又到左瀨長島senaga lsland!自駕的話,所有車就係圖中咁,就直接泊係馬路邊!搵唔搵到靚位就靠運氣了!點擊圖片放大 +5 熱得黎好大風啊!d海風吹到我d頭髮打晒結,哈哈! 要閃去手信店吹下冷氣先 啊叔係勁既,咁熱仲可以浸熱水! 呢間既人氣pancake,多人到呢!我放棄了........(溫馨提示,呢間既pancake好快就會賣完,大家要襯早去喔) 因為已經行到想休息下,又再有選擇困難症,唔知揀還邊間入去好之下!終於搵到間岩心水! 見到貓貓,好掛住屋企隻曳豬! 見到咁7彩繽紛既凍飲,又有涼浸浸既雪糕,無理由唔入去座既 唔怕熱,可以座出面望海架! 個雪糕堅好味到呢,唔識點講!好軟綿綿得黎,D雪糕一(不)起會拉到有絲! 又好鬼滑dodo.......覺得好味過哈根大師 連雞腿都勁有雞味,好有咬口!必吃!讚x100000000000000000000點擊圖片放大 +2 咁就玩到日落喇!! 跟住check-in放低行李喇! 我地住左2晚呢間Condominio Makishi公寓,位置係那羈市中心,行1分鐘都唔使就可以行去屋台村,再行多2步就係國際大街,勁方便。 我一向都勁超鐘意呢d民宿房設計。 第一次見有乾衣機,下面是洗衣機!好易用! 我地都用黎洗左轉衫!夏天d衫肯定出晒汗,襯機會洗下D臭汗衫。點擊圖片放大 +2 可以行到出去既露台 outlet戰績!其他的,忘記影了XD 沖好涼,係時候出去醫肚食晚餐! 紅色箭嘴就是屋台!只要係公寓行出去幾步路(1分鐘內)就到! 好熱鬧喔............ 第一感覺好多人啊....但天氣太熱,入面又好焗,唔多適合呢個時候入黎食晚餐! 因為入面大多數都係食串燒同比大家酒吹水的地方,又剛巧是世界杯! 準備有show睇喎。但我地唔睇喇 這裡就是國際大街,最多人流的地方! 花多眼亂啊.......................點擊圖片放大 唔知點樣左行右行,就去左間係樓上的餐廳點擊圖片放大 條魚仔鹹鹹地,再配埋原本無味既豆腐,食落口又幾得意 黎到沖繩,一定會食到午餐肉,因為沖繩人好鐘意食! 但估唔到炒菜係會有午餐肉! 呢個豬雜湯好味到不得了,d湯勁濃又好有骨膠原! 重點係,d豬腸煮到好好淋,淋到唔使咬就可以吞! 食飽飽又周圍行下,行左去公寓後面睇下有乜!大發現,有間炭燒串燒店 香噴噴der............... 前面一盒盒已是已燒好的,流晒口水! 宵夜時間到...............