2017年10月23日 今日最後一天係北海道喇，要返香港lu~~ 但估都估唔到，我地訓醒一打開塊窗簾，哇............落雨波！ 望真D~~~~姨...............唔係喎.......再睇真D，係落雪啊，仲要勁大風........@0@ 睇落雪我其實已經睇過好多次，但同老公一齊睇就真係第一次！ 好感謝北海道，係我地最後一日送左呢份咁特別既禮物比我地做留念。 嗚..........原本我地住既地方，出面就係支勿湖，諗住可以去多個景點，點知大風雪。 所以唯有望多兩眼，準備定多小小時間出發去機場shopoping~~~~ 又原本可以係出面一邊歎住溫泉一邊望下個湖，而家只可以係入面隔住塊玻璃歎lu.............. 出面勁大風啊........................ 老公已經好緊張，即睇旅遊書中教點樣落雪中渣車，畢竟第一次嘛！！ 而大堂就係食日式自助早餐的地方 https://youtu.be/fLeQ8Qxn5vI D風雪好得人驚啊.......短片18秒開始聽，就係呢d風雪聲好得人驚啊！！ 我同老公都幾擔心，唔知渣唔渣到返出去！ 同我地部車，已經變左雪車喇，但都唔擔心得咁多，都要準備出發去機場喇！ 我地兩公婆一齊夾手夾腳整走車頭D雪先 bye bye喇！我地會再黎架.............. 老公亦好小心，慢慢咁渣出去喇！我都好緊張喔.................. 回程時，又有雪，又有紅葉睇添！ 唔係講小，堅大雪.............！ 老公亦要非常留心路面.............. D雪落得好勁啊.......好彩一路前後都無車，可以慢速 https://www.youtube.com/watch?v=fE8Ys9DThZs 超LUCKY地，我地已經平安到達機場還車喇！即計埋咁多日行過既高速公路，用左1萬多￥ 我地係機場用左2個小時行街，原來都係唔夠時間行既！！ 仲係機場即買左整個哈蜜瓜返香港食，所以大家記得留返多小小時間係度作最後衝刺血拼喇 點擊圖片放大 +13
