2017年10月22日！ 今天的行程：札幌二條市場/三井outlet/丸駒溫泉旅館>>懷石料理晚餐 二條市場 今日又係好hea呢，可以係酒店慢慢超身都未遲， 由酒店駕駛去到二條市場只係5分鐘車程，人小小唔太多，望下鐘只係11點到 呢度都係主打蟹、乾貨(乾瑤柱)！但其他的海鮮品種都有既！ 我地開頭都唔知，以為寫出黎見到既就是這個價錢，但我地行行下， 企左係某檔的檔口前，諗緊食邊種蟹之濟， 果檔老闆無啦啦拎部計機計出黎話可以平比我地喎！(注：不是圖中這檔) 我地左諗諗，右諗諗終於揀左喇！！！ 點擊圖片放大 +2 登登，我地最終揀左叫花咲蟹的品種蟹黎食， 係好味到無朋友，每隻腳都充滿海水的鮮味，隻隻腳殼都黏住勁多膏！ 超推介！同老公2人ko左成隻蟹，好滿足啊！ 仲第一次座係人地鋪頭食蟹，都有一番風味既！ 老闆個仔仲好細心幫我地剪好曬，仲準備定洗手盆同毛巾比我地食完用既！ 最後仲買多隻毛蟹今晚回溫泉旅館做宵夜！ 職員包得勁細心，等佢包好都等左我10分鐘！ 仲放埋一大舊乾冰比我添！ 點擊圖片放大 通常去二條，一定會行埋狸小路鋪店街的，因為過條馬路就係架喇！ 點擊圖片放大 見到一風堂好想食！！可惜已經好飽喇，鳴.......................... 我地見到激安殿堂，但竟然無入到去！因為感覺係會超級多人既！ 因為上次係九洲去左間迫到氣都就黎抖唔到之後，搞到有D暗影 見到有寵物店，即買返d零食返去進貢比屋企2位大少先 好喇！我地又再去返三越百貨掃街，繼續準備今晚既宵夜！ 因為呢度真係好多野食，睇到流曬口水，2日前已經黎過無食到呢間既燒汁丸子， 今次排隊都要試返一次！每一粒丸子都係塗滿醬汁的，每食一口落肚都好滿足，正爆！ 因為知道今晚餐懷石料理係一定有火鍋既， 所以我地自己再買多小小松阪牛幫自己加料！ 唔使買太貴，呢種已經好味到連自己姓乜都唔記得喇！ 呢檔串燒我地第二次再幫襯，買黎做宵夜一流！！ 買好今晚既宵夜後，都仲有大把時間，駕車去三井outlet血拼，車程30mins 我地竟然係行到唔夠時間用，行左2個鐘都仲未行完，已經係揀黎行架喇，裡面實在太大喇 嗚！！！！因為要預返時間駕車去溫泉旅館食我地既懷石料理晚餐呢！ 我地仲撞到個好好人既大媽，因為我地準備比錢時，佢排我隔離隊， 見佢手上有張coupon喎，張coupon有好多張細細張既95折，係可以搣出黎比職員既， 所以我又口多多用我唔鹹唔淡既普通話問下大媽邊度拎， 話口未完，點知佢即刻好豪氣咁搣左張送比我用，再話我知原來係導遊哥哥比佢既！ 無啦啦有一張coupon都好啊，我地賣單可以即刻平左，有得95折！yeah~~~ 點擊圖片放大 血拼得唔多夠喉，但都要起程喇，駕一個鐘去丸駒溫泉旅館check-in喇！ 而呢間旅館既正正後面就係支芴湖呢，可以一邊浸住溫泉一邊睇住個湖，多爽！ 沿途仲見到野生鹿啊，我又唔夠擔開閃光燈，驚嚇親d鹿，又驚後面有車喎， 影呢張相真係有驚無險架，隻鹿仲有好大對鹿角架！ 之後仲見到另外一家3口係我地車前經過，唔怪得成日都見到有路牌顯示要小心， 原來真係有野生動物架！ 好喇，已經去左丸駒溫泉旅館喇！今日有好多豐富既收獲啊，超lucky的一日！感恩！ 真係超唔好意思，我地咁都遲左15分鐘先到，因為見到有野鹿後老公係開得慢 左既，因為除左見到有鹿，仲見到馬路地下有其他動物的死屍，慘！ 但職員都好細心咁將我地既懷石料理搬上房比我地享用呢！ 我地唔客氣啦！！！ 係上面講過我地會自己加料打邊爐既！拿，就係咁樣加喇！好好味喔.......................... 又牛又有豬，夠曬豐富！點擊圖片放大 +9 仲有係二條買定既毛蟹，食完飽到上心口 仲可以2人世界浸個靚溫泉 因為呢間旅館係個山入面，估唔到設備又幾齊全喎！唔怕悶親小朋友！
