虎杖浜温泉旅館Hotel Izumi(海景房)因尋晚我地好夜先check-in，所以都睇唔到個海景，第二日一起身牙都未刷，先望下個大海景先，舒服！ 深呼吸一下北海道的空氣 差D唔記得，原來已經夠鐘落樓食返個日式早餐 每一碟都非常精美，仲有白飯任裝 都係望住個海景食早餐架！但食食下早餐，仲突然feel到震震地，震左4-5秒，仲以為出面大風吹到間屋震，跟住返房睇電視先知，原來剛剛登別係1級地震，哦......原來係地震(汗)！ hea到check out時間到才走人，今次會是極hea遊 今日非常好天啊！開心.......... 我們租的小車，樣子也不差呢！停車場是免費泊車的 gogogo，出發去登別地獄谷，一路上風景都好美，周圍都開始見到紅葉了，見到山上周圍都紅紅黃黃綠綠！誰說，北海道只能冬天去的，哈！ 大概駕了20分鐘車程左右就到了登別地獄谷停車場喇！ 500￥可以泊1日小tips：因為地獄谷離登別步行街是非常近的，大概行10分鐘便到，所以如果駕車來的話，係地獄谷走時不要駕車走住，行埋個步行街先，唔係走左返轉頭又要比多500￥了，因為步行街是沒有停車場喔 第一站：登別地獄谷！免費入場的！一見到地獄谷3個字就即諗起九州了，哈！點擊圖片放大 超開心，估唔到搵到個識幫我地影相既路人！ 點影都好靚 開始硫磺味愈黎愈勁點擊圖片放大 +3 唔好以為就完喇，仲可以行埋去大湯沼架！注意，係行山路的，梯級非常地多，行到出晒汗！大概行左20分鐘-30分鐘左右才到大湯沼，因天氣又乾燥我地又出汗，好快飲左成支水 行樓梯行到顛，終於到喇 這個就是大湯沼！秋天風景也不錯啊， 回程時去埋地獄谷小雜貨店，入面有雪糕飲品售買機的，仲有好多張長凳，要座底回下氣先 如果冬天落雪時，仲有長靴租借的，非常貼心 第二站：登別溫泉街係地獄谷行落黎非常近的，溫泉街不長，只有10多間店，因為時間都還早，大概只是12點左右，所以路上基本都無乜遊客 買手信時間又到 話咁快就比到見我想扭既貓貓頭套，即到扭返個先，超可愛！一扭竟是粉紅色，但家中的是男生啊，噢XD！ 因為老公喉嚨唔多舒服，係香港出發前病左未完全好返，見到有賣峰蜜的店，即閃入去 這個峰蜜餅必買，我地掃左6-7盒 我地試左幾種峰蜜，喉嚨即好潤啊 我地唔會咁衰試完唔買既！買左5000￥做埋杉養蜂園會員，因為做左會員後有會員價仲可以免稅(無記錯的話)！香港sogo都有分店架 整條溫泉街裡，這間是買手信最多款式的店點擊圖片放大 +2 再見了，登別！下一站：小樽 由登別去小樽gps就顯示要2小時的，但因為路面非常順通又無乜車，老公飛快地用左1個半小時便到！ 第3站：小樽北一硝子三號館(high tea)我地先係酒店check-in先，然後就渣返車出去，由酒店駕去小樽市堺町通商店街只需10分鐘小樽步行街係有好多停車場選擇，所以唔好見到有就泊入去，要計下自己會用幾耐時間先好泊，因為有貴有平，有長時間又有短時間計的，短的10分鐘和20分鐘都有，長的就30分、60分鐘既！ 我地好好彩，咁岩就遇到鋼琴演奏時間， 環境係正既，因為樓底夠高 香油燈 多浪漫 我同老公個肚餓到偏喇，天氣又凍凍地喎！黎個蟹粥係正既.......好warm啊 綠茶蛋糕無特別我地唔可以食咁飽，因為一陣6點多就要食晚餐，因為小樽街晚上6點鐘多d小鋪就會開始準備關門，而餐廳晚上8點30前就通通關晒。肚餓？去lawson、7仔搵野食喇！ 這街有好多生果食啊................重點是生果已切開一分分咁賣，岩曬！ 買左2次黎食甜度去到17度哈蜜瓜，真係甜到爛牙 係小樽商店街食完個tea，其實都累累地，所以先返酒店hea下先！今次我地住的酒店非常地方便，因為酒店大堂連住2間大型購物中心，其中一間就是aeon！酒店是，grand park hotel要找的話，就是Wing Bay大型娛樂購物中心 小樽grand park hotel不過酒店停車場就要比錢了，但可以一日裡面無限出入停車場的！我地將會係度住2晚既！ 房夠大、床size又夠大，好滿意！因為食完個tea個肚仲未餓，所以返酒店hea陣，沖個靚涼，浸返個泡泡浴，等陣再出去搵食 酒店大堂是連住2間大型商場的，就是這樣，所以出面打風落大雨落大雪都無有怕 還有海景望下添 淨係行aeon都有排行 夾公仔機又有 扭蛋機又有 扭左2個都唔中，失敗 仲有間超大型100YEN店都好好行
