DAY 3 環球影城停車場費用：3000YEN全日影城入場門票：可係香港出發前到東X遊旅社買定先，因為去到目的地可以慳回好多排隊時間。 準備入場啦 當日超好天啊............但都係好凍啊 一入場就見到SNOOPY個FD。哈............點擊圖片放大 +4 黎呢度之前做左小小工課，知道這裡新開了個進擊的巨人4D SHOW，當然要去看啊！ 已在排隊中去睇SHOW啦！一排，就排左一個鐘！ 個4D SHOW是座係張凳度搖下郁下咁，又會FEEL風，頭頂又會FEEL到有水！座唔夠10分鐘就完左但SHOW喇！ 完場睇完SHOW就係買紀念品時間 我地比較有興趣同巨人合照多D，嘻！可以叫職員用自己電話或相機幫影相既，佢地好熱情架！ 話咁快就要搵食醫肚啦！我地見個個人隻手都拿住隻類似雞脾都物體，好似好好味咁...所以.... 我地買左隻1980YEN既超巨型大火雞腿.......@@ 拿....真係好L大隻架，痴線架hahaha~~！我地3個人食剛剛好先食得曬！我地仲食到有D藥材味咁！ 之後老公話要排隊去玩Monster Hunter，因為佢之前有玩開呢隻GAME！對我黎講，完全唔知乜野黎既.............好啦，陪佢玩下啦！ 又隊左差唔多1個鐘先入到場。 我一入到場，真係當場呆L左！唔L係嘛，我排隊排左咁耐就係度望住個銀幕禁掣啊？仲要只係按左2次掣就完結左啦，完全唔知發生乜真！伏已中！大家唔係好多時間千萬唔好去排隊玩，真係浪費時間既！係連我老公都話係中伏GAME！點擊圖片放大 見大家已經座晒係地下都知發生乜事了！因為就黎巡遊啦！點擊圖片放大 好多蜘蛛小朋友啊.......可愛 入到黎，點可以唔買D野出返去先XD，絕對無可能忍到手！口乾乾，整杯汽水解下渴先！點擊圖片放大 +3 係遠處已經見到黎巡遊車黎緊啦！但我地選擇唔睇，走去玩。因為應該可以避開到一部份人，唔使排隊排咁耐嘛！點擊圖片放大 我地走去排隊座船睇大白鯊！點擊圖片放大 座到最後，老公同朋友因為座最出的關系，個身同頭都比水整濕左，哈.....點擊圖片放大 +3 1000YEN有30個代幣！最後當。然。唔。中。啦....... 跟住去左珠羅紀世界 如睇過果套咁經典既珠羅紀電影，必記得呢部車！我計計手指，都睇超過4次XDDD 哇，衝啊，跟住我睇睇下都中左D水，即彈開XDD！如果熱小小我會玩。因為我見其他人玩完之後半身係濕晒既，我地又無雨衣，又無後備衫，天氣又凍，所以放棄點擊圖片放大 多好天啊！ HI，上面既朋友加油啊！見到都覺得肯定激到爆！但一睇排隊時間要等3個鐘！哇.................點擊圖片放大 行行下，又口痕痕要搵食 蛋糕仔係另有朱古力醬附送的點擊圖片放大 +9 蜘蛛俠上身..............SSSSSSSSSSSSSSSS 同完蜘蛛俠影相！當然要去玩蜘蛛俠機動遊戲啦！呢個真心必玩！因為真係好好玩！排隊排左2個鐘是非常值得既！ 我地座正第一排啊！ 呢個都係一個4D GAME，要戴4D眼鏡玩的機動遊戲！場景入面會見到有火，會FEEL到有水噴，會360度轉啦，D動圖又夠激，又有好多關卡，總之勁好玩！推介！ 玩完出黎原來已經黃昏天黑了！點擊圖片放大 就咁玩左成日啦！ 出左場之後，唔好走啊！繼續直行有地方比大家出血SHOPPING的！ 估唔到黎到大阪都見到你！真有緣分！ 我地又係度放左血！買左好多野啊！點擊圖片放大 玩完一日！卡路里都消得7788，肚又開始肚了！搵個車場泊好車先！我地今次泊左2個好搞笑既停車場！一個好似玩緊喪屍GAME咁，成部車先駛入部大貨lift，再升上唔知幾樓，一打開對門果下真係好有打game feel架，老公同朋友仲配埋開搶聲囉，hahaha....！另一個就好似個摩天輪咁，就好似下圖這樣，會有個架升上去，升上後係完全見唔到自己部車既，到取車時，d車會一部一部咁轉落黎，轉到岩就會停。 我地去左難波千日前店的24小時磯丸水產吃晚餐 24小時開放，幾點肚餓都無有怕！ 我就係貪佢多圖片睇！方便我地呢D唔多識睇日文字既人 裝潢也夠地道！我在店裡聽到看到的都是當地人在吃晚餐呢 正！咁樣落單夠曬方便！價值也非常合理，基本上也不用看價錢就可以點的餐！埋單計返，我地3人，每人都只是200多元HKD！點擊圖片放大 超鐘意吃荀，仲叫左2碟 豆腐 酸酸的菜漬小吃 我地3人就叫了這些海鮮吃！吃到最後的蜆鍋真係已經食唔落了！點擊圖片放大 +7 但個肚幾飽都好，一定要叫這個杏仁豆腐甜品，滑到不得了！淡淡的杏仁香！我鐘意！
