DAY1今次座香港航空真係激到我彈起,多年去旅行都從未試過delay飛機,去又遲飛,足足遲左成一個半鐘先起飛,搞到我地當晚去到大阪已經係零辰12多啦!返香港時又遲左成個鐘先降落,搞到我地返到屋企已經半夜2點多了!救命!好吧,我地一到關西機埸已feel到凍到飛起,呢邊只得11-12度,要拿拿聲著返件厚外套先! 然後係機場找租車公司取車了,我地好好彩今次係自駕遊, 因之前在網上找到了一間在關西機場24小時營業的租車公司, 呢個時間我相信乜鐵乜巴士都已經關門了,唔係座的士出返市區更定貴到飛天。 先上關西機場大堂的2樓,有箭嘴已直指住reat a car的圖示。 。照跟指示牌一直行行行,T2的方向。 。然後就會見到個去T2 FREE SHUTTLE BUS的入口,行入去,租車公司就係下面果一層。 。塔電梯落一層。 。哇,估唔到我地好順利地,完全無迷路下就找到了!YEAH~~~溫馨提示:*深夜手續費在24小時營業處租車、還車時,其中一方或雙方的時間介於23:00~4:59時,酌收深夜手續費(含稅1,080日圓)。我們當場一樣過買了車保,費用6480yen租車費44388yean、etc卡324yen、隧道費19310yean,深夜手續費1080yen咁岩我地前面仲有人搞緊租車D野,我地又等左陣,因為只得一個職員做野,見佢好忙咁行黎行去,搞呢搞路,我非常欣賞佢既專業服務態度,一D黑面都無!到我地搞得黎已經係零辰2點先係機場駕車去我地住的民宿!!最慘後,我地後面仲有人等緊的=0=比租車網址大家參考下: https://www.nrgroup-global.com/tw/branch.php?id=185 。好彩租車公司旁有間LAWSON便利店,可以係入面慢慢行。 。一踏入便利店已經秒速被吸左去睇野!好靚,好得意啊D!好想要隻玻璃碗! 不過,我相信我無乜可能係7日裡面儲到40個印花囉!哈...。 。DAY 2 第二朝起身,等我介紹下我地住既民宿啦!Ocean Partners Trusty Residence Tennoji East位置:天王寺我去租房時都擔心緊,究竟點樣去取門匙的問題,原來呢間民宿有多種語言溝通,所以用廣東話對答是有的!但要先DL定個LINE APP,就可以直接同出租民宿房的人溝通啦,因為住的是民宿關系,所以係無人會執房(其實執唔執房對我黎講影響不大),亦都無人servic我地既!。 。而房門匙係會先在信箱入面,而信箱密碼會一早send去電郵告知! 左扭扭右扭扭,好簡單就可以取出房門匙了!當然啦,最後一日記得記得放返入信箱度,唔係下一位無得用架啦!哈 。 。房匙好細心地先還掛了個大噹噹,就算唔小心掉落地下都聽到有噹噹嚮聲嘛!。 。而進入大廈大堂裡都是非常簡單的,不需任何密碼, 只需要用房門匙對住匙孔一插一扭,得左!我忽然覺得成件事好先進,真係大鄉哩,哈! 。 。無得頂,非常夠闊,勁乾淨!設備非常齊全! 。 。有埋微波爐先正!。 。我最鐘意呢個露台!因為有得比我浪衫! 因為有晚燒完海鮮餐,我同老公身上d衫全部都係燒烤味,掛晒係出面吹一晚,乜味都無晒!。 。間房非常夠大,打開晒2個旅行箱都完全無問題!。 。我地今次3個人去,有3個旅行箱,同埋大阪都比較多車,所以租駕細車已經非常夠了! 我出發前都問過,民宿是有泊車位可給泊車,但是泊這些車位的話會貴過泊街,所以我地選擇左泊民宿旁邊的露天停車場。嘻!我還發現了,旁邊的飲料機有熱朱古力飲品,我差不多日日朝早都整一罐!。 。天氣日日都凍冰冰,最好不過就係飲熱騰騰的罐裝朱古力!。 。我地今日的行程將會勁hea,因為尋晚大家都訓得唔好,所以今朝都搞到成11點幾先出發XD!唔知係咪太肚餓的關系,我地3個都覺得王將拉麵係幾好味既!。 。 。 。 。激讚這餃子,皮薄多汁!好味!。 。第一站:難波八阪神社 。 。 。 。 。 。 。拜個廟影張相,半個鐘已經搞掂晒! 見仲有好多時間淨,當然要即刻就計劃去SHOPPING啦!找了附近24小時營業的 AEON KOHYO SUPERMARKET!。 。差不多每天都要吃的布甸,叫人點揀喎,個個樣都咁好味!。 。牛肉啊.............................。 。連豬肉都吸引過人 。 。結帳了!一點都唔過份啊!XDDD 。 。第二站:心齋橋chouette貓頭鷹Cafe 呢邊比較多小路,泊好車後,都找了一陣才找到貓頭鷹CAFE SHOP呢 。 。 。因為太多小路了! 左找右搵,終於找到了,都好明顯有個招牌見到的!仲有大大隻CHOUETTE字 。 。 。超好彩,唔知係咪因為平日的關系,店入面竟然無人咁滯! 發達啦!無人阻住我地!但是就只限時1小時,如超時當然要再付費用啦!費用拉落下面有介紹,自己慢慢參考看!。 。 。 。 。費用還包了每人一杯飲品 。 。 。我講真架,真係一個人都無架!FREE爆~~~點影都得!嘻嘻! 。 。呢隻勁可愛,個頭係咁扭黎扭去!同埋職員會先教大家點摸D貓頭鷹既,唔係佢地會唔舒服,咬親大家就唔好了!。 。好搞笑,我影到邊就望到邊 。 。 。呢隻仲可愛,成隻小魔怪咁!Hhahahaha~~~ 。 。hi.............. 。 。另一邊size就細隻d。我問過職員,原來佢地只得幾個月,仲係bb黎架咋!。 。唉唷........卡哇姨呢........... 。 。 呢對都好搞笑啊.............。 。隻雀好明顯地表示:究竟你地影夠咪,我前前後後左左右右都比你地影過曬啦喎 。 。呢隻係全場最大隻的!好型啊 。 。d鷹個頭係咁360度轉黎轉去!乖啦,望下我呢邊啦! 。 。仲可以要求職員戴住手套同d雀合照!大隻果d就唔比影,細既可以任揀! 。 。我自己就揀左隻再迷你d既! 。 。好細隻架真係......可愛!點摸都得架! 。 。呢隻唔知點解特別放到咁高架呢! 。 。對耳仔真係可愛到呢................ 。 。 。 。影埋呢間店既詳細資料比大家看看 。 。結帳了! 。 。順便係附近行下,主要是去行下藥妝!但我係一定唔會行曬整條行人商店街,因為我絕對無呢個心機咁樣行XD 。 。我地係呢間藥妝掃左D貨! 。 。 。 。 。 。第三站:新世界河豚宴晚餐 。 。係遠處已經見到大大條河豚外貌了 。 。好多燈飾的街!這條街基本上全都是吃東西的店,而炸物串燒店都幾多下!! 。 。好彩我地早到,晚上7:00就座低了!所以店裡還不是好多人! 但一到8:00後開始慢慢就座滿人了,但估唔到店入面吃的大多數都是本地人去吃!!我地3個人,每人都叫左1個惠比壽河豚宴! 。 。 。 。 。前菜!3碟小碟都是凍吃的! 。 。每人一碟河豚刺身! 唔覺唔覺我就咁食曬一整碟!個刺身汁先係精華所在,酸酸的,非常開胃! 。 。每一片都切得非常薄,絕對唔會有肋的!又完全無魚腥味! 好味到比多一碟我都可以啊.....哈 。 。碟前有一些已煮熟了的河豚肉絲!另白色透明一條條既我估應該是魚皮掛? 。 。這一碟肉是給火窩用的!還有2個煮法!大舊的肉,先放在窩裡等佢慢慢煮,不用理!先食左一片片的肉和菜籃先!到最後才吃大舊的肉,哇....好味到...痴線架!肉感好滑,啖啖肉!乜醬都無沾過,已非常夠鮮味! 。 。 。最後,當然不會小得雞蛋湯飯啦!所有肉骨精華就在湯入面 。 。職員幫我地攪啊攪............ 。 。最後落埋D紙菜........。 。熱騰騰的一碗精華雞蛋湯飯!每一口都非常鮮甜! 可惜,我地食剩左好多,果兜湯飯多到6個人食都仲得,正想叫職員打包唔想浪費,但職員不能給我們帶走!嗚..................。 。仲未食完架!仲有個甜到爛牙的哈密瓜。 。結帳時間又到。 。食到飽到頂點,當然要行下啦!好鐘意行呢d雜物店尋寶。 。 。這街好多串燒小店!。 。好彩晚上遊客不算太多,還好!。 。 。男人就是喜歡這些小玩意............. 。 。 。 。這樣就過左一日了!回到民宿附近,有一間開到晚上11點多的超市,跟民宿好近, 行5分鐘就得了,都算非常方便呢!而且再行遠多10步都有間便利店!。 。 。 。 。 。 。超市樓上還有間100yen的店!。 。 。打開車尾箱,第一天的收鑊。 。蠻不錯的成績啊.......。