DAY6第一站:高空跳傘skydive我選擇去BRISBANE果邊跳,因為由GOLD COAST渣車去只係1小時車程就到,咁我又覺得,因為老公佢地未去過BRISBANE果邊,澳洲咁大無理由玩足咁多日GOLDCOAST架嘛,唔係咩叫去旅行,就是比自己見識世界,接觸更多不同事物喔!跳傘我上網預先BOOK定的,但我地要早上8:00報到,所以又要勁早起身了,因為其他的時間已經FULL晒囉......嗚!我地去到途中,見個天黑晒想落雨,心諗唔係咁黑仔啊嘛,但跟住竟然仲見到條大大大彩虹啊,咁唔係咁黑仔姐,哈......係LUCKY才對~ 哈,我都話個天好錫我架啦,到去Brisbane雖然好好天,出晒太陽!我們到了SKYDIVE目的地了,開始有D緊張添! 一入到去,感覺就像大家座係度等睇醫生果種FEEL,等待果種感覺有點不安>.< 睇左其他人跳D短片,哈......我開始有D想縮沙....XDD 簽生死狀,死就死啦...............如果大家真係好擔心會出意外,職員是會問你需唔需要買保險的,但我就無買到,因為我覺得自己應該係好命大,唔會咁快死既!XD 等左成個鐘,終於到我啦到我啦!無錯,得我一個玩咋!!!我心諗,咁遲先出發,玩野咩,早知我訓多半個鐘好過!=.= 我玩完後覺得,佢地呢種護眼的膠MASK有待改善! 呢個就係跟住我跳傘果位靚仔,哈......佢話當佢掂下我膊頭時,就要打開對手 & 跳出去前,個頭要昂後,就是這樣簡單! 上飛機啦,我會係14000FT跳落去!個心卜卜咁跳!!因為得我一個人去挑戰咋! 我睇住一個二個三個四個咁跳,第5個就是我了.....然後又FEEL出面勁凍靚仔問,ARE YOU READY?I SAY:YES~ WWOOOOOOOOOO......跳啊!跳落去個心真係離一離架,果種離心力,玩跳樓機絕對無得比,真係有心臟病既人跳,堅會死人,唔怪得有D人會玩到暈啦~~媽啊................. 然後我成個人倒轉左幾秒................呢個時候我係ENJOY唔到,因為驚到想爆粗! 唔知幾耐後,我打開對手後,就開始ENJOY了!我成個人倒轉時只係幾秒既事,點解好似過左成粒鐘咁! 最最最ENJOY,就係成個人打直果陣,就好似飛緊咁,好爽皮啊!但絕對絕對會因為氣壓的關系,對耳仔已經塞緊晒,職員會係咁問我OK唔OK既! 我全程無望過鏡頭,XDDD~只係掛住周圍望,哈...........就落地果陳,啊靚仔同我講,差不多落到沙灘時對腳要遞起就OK了,當然佢會提你幾時遞啦,大家唔使擔心,HA~我落地後,痴線........成個人HIGH到企唔穩,飄到飛起,要冷靜一陣先~~! 第二站:食越南河粉rialto跳完傘,個肚餓餓地,早餐都無食,要食返d野落肚鎮定下自己d情緒先!所以,黎到Brisbane點可以唔食越南河架,呢間越南餐廳拎晒獎架! 好好彩我地早左10分鐘到咋,跟住—到放lunch時間,間餐廳座滿晒人啊! 款式都幾多選擇架,有飯有麵有小菜等等~ 我即刻要o拍返杯滴滴咖啡回下魂先 叫河粉送的一大碟生芽菜 我的生牛河,河粉好滑,湯底夠晒濃,牛肉不過不失!食下食下,我自己一個隊晒成碗啊..............點擊圖片放大 食飽飽,當然要去Brisbane最旺的街行下啦!! 第三站:queen street mall shopping這條街有明牌店、國際品牌店、自家制品店、連鎖店,化妝店等等等等 要真係慢慢行都可以行到2-3個鐘架,但我地都係快行,行1個鐘就算,因為部車泊左係商場停車場,好貴停車費啊!點擊圖片放大 呢間旅行社超靚啊,成間皇宮咁 加油啊.............. 外牆很美的一間zara點擊圖片放大 扭波波 我都唔知自己行左去邊了 第四站:peters fish market我地又渣返車去gold coast了,準備吃當地人才會去幫襯的海鮮魚市場,因為平、靚、正,全部生的海鮮仲免費包埋煮熟架,仲有仲有,賣點就是,店舖出面有個海景,仲有幾張公眾長凳連檯比大家座,等煮好晒d海鮮,就直接去搵個靚位慢慢歎啦當然,呵呵!所以,我地係度連續食左2晚晚餐,XDD~~ 好滿意自己影既呢張相~ 去到剛剛好黃昏,好美啊!點擊圖片放大 +2 這間就是peters fish market記得啊,晚上7:30就會關門,最最最遲7:15就要去到,因為要煮熟d海鮮要時間嘛!! 怕吹海風既,可以係呢度座 原來入面好凍~~~~~啊!!快速拎個夾夾海鮮啦喂 基本上想食既海鮮都有..........因為實在太平的關系,都無乜點睇價錢,睇岩就夾!點擊圖片放大 +5 超平嘛d生蠔,老公佢地叫左兩打黎食,計起都係幾蚊港紙一隻咋~ 掃左一大堆海鮮XDDD 果度有分兩條隊,一條隊是剩比錢的,比完錢想即刻煮熟D海鮮既話,就去另一條隊排喇,有炸同BBQ選擇...........講完點煮後,職員就會比張票你,等叫NUMBER就OK架啦! 即買即熟即食,就係咁爽皮!我地去左向海的公眾位座,正啊!長腳蟹有點中服,可以唔使食,失望啊!其他的.....正正正 就是這樣的VIEW食住我地既海鮮餐.....廷不錯嘛! 食飽海鮮出發去第五站上山去春溪國家公園(Springbrook National Park)的天然橋(Natural Bridge)睇藍光蟲!這個天然橋是經過數百萬年滴水穿過玄武岩洞穴而形成,而且洞穴會有條瀑布架,亦是數以萬計螢火蟲的聚居地喔,但山上氣溫較凍,大家記得帶定件外套!重點是,這裡是24小時免費開放的啦!^0^因為老公佢地未黎過,加上又唔使錢,所以我決定帶佢地去睇下,我去多次都無所謂啦! 行落去天然橋(Natural Bridge)前,會有個燈光好明亮的涼亭,這裡會有藍光蟲的介紹!順便一講這裡會有廁所給大家方便的,哈! 順便影埋個地圖比大家參考下! 係涼亭行幾步就見到呢塊天然橋(Natural Bridge)的牌,就是睇藍光蟲的地方了!周圍是非常黑的,因為森林係無任何的燈光,所以好似去探靈咁既feel!所以大家記得帶定支較光的電筒喔,因為梯級較多!又凍又靜又黑....... 已到到洞了,洞的周圍都是好默默麻麻的發光藍光蟲,超美的啦!因為無帶大機影相,所以只用了電話拍,XDD我亦都唔建議大家用閃光燈影相,因為會阻到其他人去觀看架!點擊圖片放大 我地回程出去時,見到有位攝影愛好者影緊d洞洞,我地就走過去八卦下,原來佢影緊有毒既蜘蛛啊,我硬住頭皮用上我的性命都影左~XDD 跟住仲發現左這些一粒粒吊住的就是藍光蟲吐出來的絲和黏液,只要有小昆蟲一碰上,就會黏住走唔甩,然後就可大吃一餐喔!真實係好細好細條,我放大了好多比大家睇下喔!XD 跟住我地仲未走住,老公搵了個大空地玩影星星,我當然o匿係車入面等佢地,我果刻又凍又眼訓!! 老公作品圖