哈,好開心啊,估唔到我竟然有第三次機會去澳洲, 不過對我來說,依然都是好興奮啦,因我第一次去是2003年和第二次去已是2005年了! 而我最大收獲係香港機場出發果晚比我野生捕獲真。何國榮, 原來佢都係同我地同一班飛機去澳洲喔,太巧合了吧! 我地今次選擇了座澳洲航空,時間是香港晚上7:15起飛, 去澳洲時間是當地早上6:10,而澳洲是和香港有時差的,會快香港2小時喔! 出發前準備: *如果是香港居民的話,出發前緊記要先網上簽證啊,網上簽證是即簽即批的, 網上VISA付錢後,你會即時收到佢地個確認電郵喔! 網址:https://www.eta.immi.gov.au/ETAS3/etas *澳洲的太陽是非常毒,緊記帶足夠的防晒液(防晒度數愈高愈好)和太陽眼鏡! *澳洲一早一晚的氣溫較涼(大概只得20度),而中午就會較熱(30-32度), 所以最好帶定件薄薄長袖外套啦! *WIFI蛋,我就租用了CRAZYEGG,可以係香港機場取/還機,但我覺得位置不夠方便, 要特登行去萬豪酒店取/還! 直航座左9粒鐘飛機,終於落飛機啦,深呼吸澳洲第一啖空氣, 熟慮的味道,係啦係啦....呢陣就係澳洲的空氣啦,感動! 我好好彩係飛機度都叫做訓過下覺,都訓到2-3個鐘, 但望下個鐘,當地時間早上6點,而香港只係零辰4點咋, 個頭仲暈暈下,個靈魂都唔知飛左去邊了XD! 因為我一早網上BOOK左車,我就選擇左係澳洲布里斯本國際機場取車和還車,非常方便! 租車網址:http://www.rentalcars.com/?affiliateCode=return&adcamp=return 而我們的租車公司就是EUROPCAR,即是綠色牌的那間公司, 租車公司地點非常易找,因為機場大堂不是很大,在右手邊一望就望到了! *所有車入面都會有個高速自動收費(auto toll),所以大家可放心關於高速收費的問題, &事前職員會先要求你用信用卡比左按金先, 到交車時就會在你張信用卡扣返d高速自動收費費用! 所以每當去到收費位時,就會聽到響聲的,一響就代表已收費了! *GPS,我在BOOK租車時係網上順便BOOK左,但佢地個GPS真係唔多識用, 因為唔似日本咁方便直接輸入電話號碼就得!因為佢地要輸入城市、街名、街號, 有時真係要靠埋電話GOOGLEMAP先得,但如果你識用大多數都好準的! 雖然我地已唔係第一次自駕遊,但就係第一次租4驅車玩,超興奮啊,我超鐘意四驅車架! 一黎因為澳洲多高速公路,我地去的地點都又較遠,所以揀左部高身小小的車就較好 ,但4驅當然就食油D,好彩澳洲D油唔算貴,打爆一缸油只係$40多澳元! &大家都會注意問的是,停車場使唔使錢同貴唔貴,我可以好大聲咁講, 澳洲當地絕大部份CAR PARK都是免費唔使錢的! *注意:如果大家是選擇自駕遊的話,緊記出發前要去申請國際車牌啦,一定一定要的! 第一站:天堂農莊paradise country 由係布里斯本機場去GOLD COAST係唔塞車的情況下只需1小時車程就到了! 因為我有屋企人住係澳洲GOLD COAST,所次今次全程可以慳返一筆酒店錢啦,hahaha~ 而係GOLD COAST出發去天堂農莊只需30分鐘車程就到了,所以非常快的啦! 因為第一日我地3個都無乜精神,大家都仲迷下迷下,係極度唔夠訓的情況下, 我就選擇左個近近地的天堂農莊,一次過滿足3個願望,袋鼠和剪羊毛&樹熊, 重點是,價錢又平好多,去澳洲都係為睇袋鼠同樹熊姐,我覺得就唔需要去動物園睇咁貴! 比完入場費後,大家可以再另外付費去抱樹熊、座馬車、淘金等等 我萬萬都估唔到,收銀員是講普通話的,哈.....對我這個英文不是很好的人來說, 簡直雙眼發光啊!XDD 有非常清晰的路牌比大家選擇去邊先! 不過其實我地都係亂咁行,因為入面不是很大,路非常易行的! 這是吃自助餐的地方! 澳洲真係好舒服,地方超大,人又不多,空氣又好, 重點是我今次去的地方大多數都是當地人才會去的,不會見到太多旅行團~ 點擊圖片放大 人地D馬都大隻D....XD 雖然我樹熊都抱過,都已經見過3次了,但都係覺得佢地超可愛啦~~~~~~~~~ 哈,比我捕捉到隻樹熊食野啊,CUTE~ 點擊圖片放大 講得做農場,當然有其他動物啦! 有2隻可愛小豬仔! 我都係求其係地下執D草餵D羊咋XD~ 好活躍! 有無咁肚餓啊,一次過衝晒4隻過黎...XD 如果大家唔怕焗的話,睇剪羊毛都是重點來的! 講解員都幾搞笑啊,又會請D觀眾上台玩! 點擊圖片放大 哇....剷完毛毛舒服晒! 而澳洲最出名的就是羊油護膚品喔,不過非常唔適合香港用, 因為太油黏啦,香港天氣又太潮濕了!不過如果非常乾燥既地方用就較適合點! 救命,當日好曬啊,不過好彩曬得黎是乾燥的,所以唔會出汗! 搞到D袋鼠隻隻都唔郁,XD不過比著我都唔肯郁啦,咁熱! 如果無野食餵,D袋鼠係唔會自動行埋去你度既, 因為呢度就唔同動物園,D袋鼠數量不是太多,只有數10隻, 所以如果想佢地自動行去你度,就要比錢買糧引佢地啦, 不過我好快就成功引左2隻出黎~XD..... 老公係咁話佢地D毛好滑,放心...佢地絕對唔臭的! 佢地食野食得好溫柔架,只要將糧食放係手心便可,大家就可以放擔去餵佢地啦! 呢隻袋鼠好老了,大家要溫柔D摸佢地啦!! 明明自己都已經唔係第一次睇袋鼠了,但唔知點解都係咁鐘意睇動物XD~ 第二站: 天寶林山步行街tamborine mountain gallery walk 再由係天堂農莊去天寶林山步行街車程都係只需30分鐘, 近近地,都是一個不錯的選擇,畢竟都是第一日,等老公同朋友熟練下澳洲D路先! 其實我地都諗住上埋山架,點知落雨喎,所以就放棄左上山, 就直接係下面行下步行街算,條步行街不算好長,但周圍都好多餐廳同小店,都幾特色既! 點擊圖片放大 入了間賣酒的店,入面D酒我勁想買返香港擺,超多選擇ar! 重點是,有粉紅色既酒賣,但最後都是放棄了,嗚~~~~~ 因為天氣唔好,又落緊毛毛雨,所以這條街都不是影得太多相! 行行下,肚又開始餓,又無乜精神,但餐廳都幾多選擇的情況下, 比我誤打誤撞入左間幾好的CAFE SHOP! 因為我見到個餐牌寫有BIG DAY breakfast嘛,即入! 餐廳門前會見到周圍都好7彩賓紛架,人都醒神D! 入面周圍都好7彩的,而且餐廳周圍都是樹木,座係度D涼風吹吹下,差D就訓著! 老公因為尋晚係飛機極度睡眠不足,呢日D相有9成就是我本人負責影的, 佢已經眼訓到,餐牌都唔望,淨係話想食意粉後,就訓左係張凳度了!XD 裡裡外外的擺設好明顯都花了點心機架! 仲有朱古力賣添!! 我亂叫了杯牛古力雪糕凍飲...XD 我幫了老公點的PASTER,佢好滿意,話好好味喎! 我都試左,又真係幾正!個燒茹都好正! 我點的big day breakfast! 因為我好肯定外國的全日早餐唔會差得去邊,所以我好放心咁叫左個黎食! 煮蛋都有好幾個選擇的,有蒸、炒、煎! 朋友仔叫的,睇樣都覺得正! 我地3個都好滿意呢間餐廳啊,大家有機會黎呢度的話,可以考慮選擇呢間袈, 真心無介紹錯,老闆又nice,知道我地英文唔係話好叻,佢都特登講慢d就我地, 哇....我當場放心晒,只要講慢d我基本都聽得明,一講得快,我真係聽到耳都側埋~ 周圍好多紫色花啊~ 因為當日係假期,搵車位都幾難,所以就渣左去遠小小先搵到車位泊! 點知就係我地停車的位置的斜對面,比我發現左個影靚相位!HAHA~ 第3站: 衝浪者天堂海濱市場surfers paradise beachfront markets 唉,激死,係天寶林山d天氣好唔穩定,時落雨時太陽, 因為部大機唔可以掂到雨,所以只係留左1個鐘左右就走了! 而由天寶林山步行街渣返去 gold coast 衝浪者天堂海濱市場的話, 係唔塞車的情況下,1小時左右車程就到,因為係渣返去gold coast條高速係非常容易塞車 的,大家要注意囉,最好就盡量避開返放工時間啦! 我最鐘意行跳蚤市場啦,不過這裡好像特色不多,有點失望! 因為咁岩係星期六,我又唔想第一日大家太過辛苦,所以去行下當見識下啦! 點擊圖片放大 +8 黎到gold coast,點可以唔係沙灘影相呢! 這裡對上一次來時,已經是2005年了,但這次來的感覺已經又同左, 再來多次,依然都覺得d好鬼正,d沙好滑又幼,沙灘又長! 不過依然都係好鬼大風,吹到頭都顛...XD 太陽已經開始落山了,所以就順便跟住再行埋這裡的大街,正正就是在沙灘大門牌的對面 這條大街是人流最多,品牌最齊的地方! 信不信由你!BELIEVE IT OR NOT~ 好似好好味咁!! COTTON ON~老公係度買左條減價貨$5澳紙既沙灘褲,出奇地竟然有佢碼! 好得意啊...有好多腳啊........... 係GOLD COAST買UGG絕對唔難搵,因為總有一間係你左近! D分店多到,真係行一條街都可以有2-3間! 我當然唔執輸,最後都買左對返香港,哈....返香港隔2日後凍到可以著到啦!YEAH~ 第4站: FOUR WINDS旋轉自助晚餐 多謝你倆公婆的好意,謝謝你們的晚餐! 因為我同呢個表姐都算幾FD的,今次好彩多得佢幫忙, 家中有多出來2間房,我地才可以有免費住宿,同埋有些景點都是她幫忙BOOKING的! 因為我D親戚全部都係晒澳洲咁滯,我對上2次黎澳洲都係住足2個月先返香港, 真係住到唔想走! 點擊圖片放大 +5