由香港直航飛去九州大概3小時50分左右就到啦!日本當地係快香港一個鐘架!現在是當地時間5:00我們已經到達了福岡國際機場啦!我地今次去日本好低玩啊,日圓匯率只是0.062~0.063,正啊! 而今次我地一行會有4個人啦!第一時間當然先係機場買wifi卡, 到最後,我地行遠小小有檔可以租wifi蛋,仲平d添啊,仲要4G任用!係機場搞左成大半個鐘終於可以行出機場啦!!! 如果由福岡機場座JR出市區的話,要先係機場大門口座免費接駁巴士,大概5分鐘,就到JR機場線架啦,好方便架呢!現在先座JR機場線準備出發去酒店,而我地間酒店係渡邊通站喔 雙隔咁多年再來日本,當地依然都是好乾淨,D人好首規矩 我係酒店放好行李,拿拿聲出動搵食啦,已經好夜啦,肚偏啦!第一站:福岡屋台拉麵屋台拉麵會係''天神''站,在天神站一出,行10分鐘左右到了(我指識行既話啊下)!但我地第一次去,我都估到一定唔會咁順利,左搵右搵,搵左成20分鐘先搵到 去屋台之前,會先經過天橋喔!哈,在天橋上的表演者! 係天橋上拍下的夜景 行到橋尾會見到這塊牌寫住『那珂川』,就代表你已經到左啦........ 哇,好熱鬧啦!愈地道我愈鐘意!點擊圖片放大 頂啊,去到先黎相機無電,唯有用電話影先頂住啦XD~~去九州唔係唔食九州拉麵嘛!!未行到去,老闆已經自動出黎招呼我地,熱情到咁,唔幫襯你都唔得啦!HAHAH 重點是,呢間屋台有中文餐牌的啦,正.........XDDD 已經好快地可以座好。我成日睇卡通片,都見到D關東煮好似好好咁啦!即刻叫返份食先! 舊舊都好入味,UM.......好好味啊................ 老公已經唔理我了,係咁喪食............ 真係好好味啊............個湯底好味到唔知點講好,D味香港係食唔到的!簡簡單單咁,我最鐘意係幼拉麵,岩晒! 還叫左份餃子 我叫的梅酒,哈.......係九州咁多日,我就ORDER足咁多日...XD因為真係好好飲啊..................... 係第一間食完拉麵,再行去第二檔再食過,今次食串燒 食串燒唔使餐牌,指指下就得啦,hahahah點擊圖片放大 個天婦籮真係超級超級好好味,因為D粉超激薄,好味到想講粗口囉 食飽飽就周圍行下,唔知點解無啦啦行左去紅燈區,哇........完全同出面係兩個世界,呢度超熱鬧囉,好多蛋糕店同賣花店啦,當然還有好多..............XDDDDD 好長啊條蛋卷 好啦,行個夠就返返酒店啦!又好快咁由天神站座返去渡邊通站了! 好好彩,我地間酒店附近都好多餐廳,仲有間24小時超市,我地當然唔會錯過任何買野既機會LA,殺啊...............哈,因為開心得滯當晚唔記得影相,先係GOOGLE MAP COPY落黎補返比大家睇下! 肥後浪漫西瓜?WELL,請問肥後點浪漫法呢?HAHAHAHA 哇..........好多限定版啊,揀邊隻味好呢?花多眼亂囉 健康版綠色可樂!飲完先知,中招........... 哈,我最後都係揀左綠茶味,成支裡裡外外都係綠茶架!到最後又掃左D小食返酒店慢慢歎! 全九州好多呢間名叫FAMILY MART的24小時商店,即係香港既7仔咁!當然啦,人地既選擇同種類都多好多,我試過有日係入面買麵包同佈甸食,個麵包D料多到滿架,麵包好軟身,已經好食過香港好多麵包店!唔好講笑,就連個佈甸都超好味,真係好好味,D蛋好滑好滑x100次,因為太好味的關系,我食到一半先醒起唔記得影相,哈.......大家有機會入去尋下寶啦 仲有個TIPS比大家,去日本係唔需要帶沖涼液同洗頭髮的東東,因為日本酒店比客用的牌子全是靚牌子,所以我都好放心咁用啦,但其它地方就唔得了,我一定要帶埋私伙去! 哈,我沖完個靚涼,煲水食宵夜先 登登,就係即食蜆湯啦!我萬萬都估唔到真係會有鮮蜆係入面,痴線架!