DAY6我地又轉酒店啦！！呢間係最後一間酒店喇，計計手指，呢7日裡面一共住過3間酒店，3間都好滿意呢， 只要經過呢條走廊可去賭場喔.......不過我地已經無晒動力玩，因為真係累到飛起！！！點擊圖片放大 房裡面！！！企企理理都唔差架！！！不過衰就衰在有位團友得知呢間係尾房，所以就同我調換了房間！哈...講真，開頭堅係怕囉，不過入房後又唔覺得有乜問題，所以一整晚都平安無事 DAY7第二朝起身食返個酒店自助早餐先.....其實食足7日都係果d野黎，已經食到怕左喇.所以都無乜點食飽就去酒店周圍影下相算........... 出發lu..........好失望呀，我去前得知南非10月-11月時周圍街會開滿紫色花，d紫花樹多到就好似日本櫻樹咁，周圍都是，路兩邊也都是紫色樹，因為我係一個紫色痴，勁失望囉，因為我地去時已經係11月尾12月頭，d紫色花已經掉得77-88！ ....................... 第一站：鑽石場已經去到鑽石場喇，哈....d團友仲笑話，血光之災呀！老公亦都知道，佢避唔開架喇，快D乖乖比錢吧啦.........其實之前大家座定定聽位識講廣東話既姐姐介紹佢既鑽石，係出面左睇睇右睇睇，左揀右揀，知道香港賣既心形鑽石唔多款，佢係出面仲教埋大家點樣揀鑽石，點樣分鑽石，講完就到揀鑽石時間，我飛出去添呀，黎到南非喎，點可以唔買鑽石呀，即場再加錢加工載上手添啦！！！師父開始加工................. 從後拍下........ 開始讓入我粒鑽石......... 點擊圖片放大 打磨 再整 讓好粒鑽石，又到另一個師父再整！！！ 唔知佢搞緊乜......... 乜黎架？？？ 差不多完成了！！過程只需10分鐘左右喇！！好快架咋................. 完成品！！！多.......謝...........老...........公............有埋證書添架...... 見最後一日，同下我地既導遊姐姐影下相先！ 第二站：唐人街午餐買完野，老公破完財！就去南非唐人街食飯............今日係南非最後一餐喔！！！點擊圖片放大 +3 竟然比我遇上了''南非華裔小姐選美大賽'' 報名處！ 食飽飽去機場啦！！好唔捨得呀..............點擊圖片放大 到達機場喇！！！當然有退''稅''服務啦，淨係粒鑽石我地都退唔小，yeah
