DAY3 今日我地join當地團去,一共會去6個景點! 其實老公好想自己渣車去,但我就話一來一回成7個鐘,你點渣啊?! 又要夠精神,你係車訓下好過啦!所以我就否決了他,將尋日租的車,還返比酒店了! 我想講,清邁座d車超舒服,又新,d位又闊,好過係沙巴時座果d多多聲囉! 第一站: 遠巴保天然溫泉 由清邁去大概1個小時左右,我一上車已經訓死左了................. 大門口的天然溫泉 近影下是這樣的!哇............. 還有溫泉雞蛋食 等我玩下先,哈.............. 一籃3隻,剛好我們3人,一人一隻 還有鵪春蛋選擇 仲有袋豉油係入面,好細心啊!! 我們就是在這裡泡腳 這裡大多人的關系,我決定泡其它位置 好熱啊........................ 朋友仔你影快d啦,我地對腳就黎熟啦 第二站:清萊白龍寺 好吧,係溫泉逗留了45分鐘後,就上車去第二個景點! 又係座座座,又座了一個半小時車後,就到了,我又係車上繼續訓,XD 好美,好白啊!!!老公話個天空d雲配埋個龍寺好有feel,好似副畫! 又係波............ 哈,因為我條裙唔及失頭哥關系,所以要圍上佢地比既沙龍喔......... 入寺時,千萬不要用手去摸任何一個地方,這是龍寺規矩! 除鞋中! 係龍寺出來時,會經過這座金色的建築!! 你無睇錯,這是廁所,一座金色的廁所~XDD 然後會見到這個許願池 裡面是這樣的,我許願了............... 再然後會見到這些許願塔,全掛上了許願牌! 一場黎到,買返個掛下先啦................. 希望會願望成真啦 臨走時,拎張postcard再蓋個龍寺印仔做留念先 第三站:金三角。眉公河 因我又係車訓死左的關系,唔知車左幾耐車,終於到金三角了! 而金三角是緬甸、老撾、泰國交界地區! 準備落船了,落船前先將passport交比警察辨簽證! XD,其實我地都唔知係唔係警察,我覺得完全唔似囉....不過是鬼但啦!! 如果萬一真係無passport係身,唔緊要,乖乖地放低100泰珠就可以啦! 一見到狗就即刻好掛住家中3隻魔鬼了~~~~~~ 上船啦.................... 上船後,船上會有位導遊講解的! 數到這船有幾多個國旗嘛?XD 第4站:老撾寮國 然後就準備上船30分鐘去老撾寮國參觀參觀! 我無記錯係要比錢架,每人30泰珠! 個車牌好靚,叫老公影張先...........XD 收費站!XD 排隊比錢中............ 其實呢度係無乜野睇,只係一個露天比人買野既地方, 大概有3、40幾間店鋪左右! 拿,我可以數比大家睇有乜野買既,有好多呢d古古怪快既藥酒啦、 超多既老翻名牌袋同旅行箱買啦、有族民手飾,然後就無喇!XDDD 點擊圖片放大 跟住我無啦啦比導遊姐姐捉左去食當地沙律,XD 佢話超正,得呢度先食到呢種味,唔......是但啦....我諗唔會肚痛掛.......... 萬一肚痛咪當清腸胃囉...hahahaha 呢碟野加左超多材料,酸酸辣辣的!!最後仲加左隻蟹仔落去(XD見到隻蟹腳嘛) .........@0@ 等整沙律時,有隻好年輕的狗B走埋黎同我玩............. 我諗應該得7-9個月!唉喲......超可愛嘛................. 話咁快就夠30分鐘,回程閃人! 呢度就係我地上船同落船既地方啦............. 唔好話,我成個朝早淨係食左一隻香蕉仔同半碗粥仔, 我個肚已經超肚餓囉............... 呢度係食自助午餐的地方,個local團包埋的! 沙律甜品區 要自己動手整的泰式湯河,見咁得意.....即整返碗嘆下先 登登,完成! 成碗野d味自己調,河粉自己煮! 唔好講笑,真係超好味,d河粉滑到不得了......當然d味道都好正架...hahahaha 第5站:緬甸邊境 其實都只係去望下泰國同緬甸人點樣出入境! 呢座藍色野就係人同車過境時必經的! 車隊正等待入境過去緬甸喔................ 而我地因為唔入境的關系,就係旁邊的檔口行過去望下.......... 出長水遠黎到,影返張相先........... 對面的橋就是緬甸了..........halo~~~~~~~~~ 對面是緬甸,過境後就是清萊,XD... 人民就是從這裡出入境了....... 第6站,長頸族村 我出長水遠黎,就係只為了看一眼長頸族的人,好期待啦 入村了!! 這裡的長頸族,都會做一些小手工去賣比遊客,而淨回來的錢就會比老公出去買日常用品 噢,我第一個見到的長頸女人^0^!! 當我聽導遊講解時,原來佢地呢班長頸女人,呢一生人都唔可以出國, 因為佢地無身份的關系,一世人就只可以留係自己的村裡生活, 而佢地3歲開始就要開始戴頸環了! 長頸妹妹!! 一眼就見晒的長頸村! 哈,而我又忍唔住買左兩樣野返香港!XDDD 哇,唔好講笑,個頸環重到啊媽都唔認得囉....... 媽媽級數! 好長好長好長啊~~~~~~~~~~~ 這裡還有大耳族的人! 哇.....個耳洞真係地大個@@~ 做乜嬲計啊! 行行下跟住我就鼠左入去,望下佢地d屋..........真的很原始嘛! 多勤力的妹妹啊! 好有昌意的木頭人! XD找到重點嘛.......... 好啦!今日由朝到晚都係座車上車落車! 清邁去清萊一來一回,座左足足7個鐘頭車! 真係人都顛,但我覺得呢d係人既必經體驗,去到旅行就預左啦,學到的係自己袋落袋! 大概晚上9點,車我地返到酒店啦,超肚餓啦又.... 唔理咁多,見野食就掃!! 吃過後,還是覺得我們酒店旁的檔好吃多!XD 又見到有人放天橙啊.......... 係出面掃左d野食後,到最後都係行返酒店附近搵食! 行到街尾,見到有檔炒小菜的街邊檔口,唔理喇,叫野食先! 老公,快d啦,我餓到腳都軟埋 哇,又有好野介紹,呢檔d椰青又凍又甜,我地翻飲2次就知幾咁正啦, 呢個姨姨的檔,就擺係炒小菜旁的! 夠晒風味 超好飲!我從未飲過咁甜既椰青,最緊要又夠凍! 食飽飽,返酒店啦!!