哈！原本呢個trip係自駕遊架！！點解會無啦啦變成自由行？拉落去睇咪知囉！！！出發前，5條友無聊地等上飛雞，都係影下相先啦！！！今次，基本上成個trip去邊樹都係我呢個黎太話晒事，呵呵呵呵.........今次D飛行時間好正呀，中午12點上機，回程係晚上6點機！嘩...真係正到不得了！！ 成個trip唔怕無人幫影合照喇！YEAH~~ 座左4小時50分鐘既飛機，好快就到左峇里島機場喇！！當地時間係同香港無時差的！！！呵呵呵，好興奮喔！！！ 喂，你兩個咪成日行得咁快啦！！！其實佢地只係急住去拎地圖，然後準備出境！！好彩當地海關d手腳都算叫做快(起碼快過馬來西亞d海關)先囉！！ 好快又已經出左去喇，又再會合租車公司既人！我租車前，我地只係從e-mail聯絡，佢地都會好清楚咁講到明，會企係出閘既位，手拎住白色紙，寫住我老公個名，哈，所以我地一眼就會望到了！而且我覺得呢間公司d人既服務都幾好，回覆電郵都幾快！嘻，我就係租以下呢間公司的！http://www.balicarrent.com/suzuki-karimun.htm 呵，呢駕就係我為大家租既車喇！！好新淨架，都幾靚仔喎！！為到$200港紙一日，再租埋佢地個GPS~ 搞呢搞路，都搞左成半粒鐘，終於可以出發囉.......gogogogogo 出閘前用的.......我已經唔記得要比幾多錢喇，因為當時大家都好騰雞....hahaha 喇！點解我地會由自駕遊變成自由行呢？就係因為呢個GPS出晒事喇！！ 我頂，就連最基本，由機場出去搵個油站都可以帶錯路，帶左我地去左個已經廢左既地方？下~~~~~~~~????? 唔係呀嘛！！咁快出事喇！ 跟住我地搵酒店，又出晒事，因為間租車公司既人話，呢個gps只會顯示出名既地方同酒店，其他既係搵唔到！！我Shxt~!!早知唔鬼要啦，我租黎巴鬼咩！！！頂....... 睇下老公個樣幾咁緊張又騰雞就知啦！！！好彩係右太姐！！不過最好彩係老公識渣棍波，唔係大家就真係企晒係街囉！！ 好彩跟住都搵到油站，唔係靠gps搵到喎，係夠肉眼見到，跟住入滿晒油後，就停係油站大家再搞下個gps，唉！最後都搞唔掂個gps，搞左成粒鐘都係帶唔到路！！最後既方法，我地大家商量過後，就係襯見到有的士入黎油站入油時，我就衝出去，同個的士佬講，叫佢帶我地去酒店，我地車就跟佢車尾！ 當然要講價喇！講到20蚊定30蚊0左右吧！！因為唔係咁真係無辦法，唉............好失望喔！ 大家安心後，我就襯時間影下我地疊錢先！嘩，我都未試過帶成百萬出街....佢地紙幣最大面額係10000蚊，最小係1000蚊！！哈...大家都話，如果係港紙就發達囉！！！ 最後都成功搵到酒店，呢間酒店我地會住兩晚的！！我地又商量過，不如唔要架車，直頭搵個當地私機帶我地去玩，諗諗下又岩既，起碼佢地會熟路，熟當地既路上環境，又識同當地人溝通，因為我事前都上網搵過下d資料，知道當地係好多電單車，好多橫街窄行(只得單程路)，係街又多差佬(要比錢的那種)！老公又騰晒雞，為了大家安全著上，唔放棄都唔得！大家跟住講笑話，搵個人肉gps好過啦~hahahaha咁岩酒店門口就有檔呢d服務既櫃位，包呢個私機全日，每日10小時，都係300幾蚊港紙，你話去邊佢都會帶你去，而且佢又會安排去埋其他地方，我遲d真係要講下呢個著啡色衫既私機，真係超級好人到不得了，超勁讚！！最後我地打比租車公司既人，叫佢第二日黎渣走駕車，同佢講到明因為個gps唔得，跟本完全用唔到！第二日黎到都好好笑容呀，緊係啦，我地只係租左佢半日車，又幫佢入滿晒油喎！ 無聊影下d四腳爬爬先！ 原來峇里d人每日都會拜神祈福3次！而呢兜奉獻物，就是向神祈求保護！所以我日日都會見到呢兜野，周街、地下門口都係！！ 終於真係搞掂晒，我地個肚餓到不得了，搞到夜晚9點先食飯！！好彩酒店行附近有個大型商場，我地唔諗咁多喇，殺入去搵野食！！Discovery shopping Mall 行行下，大家發現新大陸 等佢炸好都要5-10分鐘，因為都幾多人排隊架！！佢仲會問你要白糖定黃糖！ 口感似薯條，出面係加左d黃糖同肉桂粉，新鮮熱騰騰炸出黎，多人去旅行就係有好處，每人都可以食小小試下！ 竟然撞下撞下搵個個美食廣場，是鬼但啦，肚到飛起啦已經！但買野食前要先買張卡，因為要憑張卡去買野食既！如果用唔晒d錢，可以退回！ 我地5條友仔都是鬼但地叫左一餐好簡單既晚飯！！ 點擊圖片放大 +2 最後我還是忍唔治要買杯雪糕，cold stone 好彩峇里島夜晚唔算好熱，仲涼涼地添！一D都唔覺笠痴痴！真係最鬼憎香港d天氣！ 一返到酒店後，竟然見到擺左兩隻用毛巾摺出黎既天鵝，好靚又驚喜呀......... 因為剛才真係食得唔多飽，可能未習慣佢地既口味啦！要係附近便利店買撈面食！去印尼，緊係要食撈面先似樣架啦！haha~所以，大家可以放心，峇里島周圍都係24小時便利店架，所以唔使怕平夜會餓親喔！ 原來間酒店真係唔差喎，只係偏僻左小小，好乾淨，又企理，價錢超低，算係咁啦！！
