聽聞荃灣有間豬油煲仔飯都幾好食，平日都要等位。今次就約左朋友一齊去試下～店面唔大，所以坐得有少少逼。 🔎生滾鯽魚湯（$128） 一上枱就見到原條鯽魚🐟係湯入面，魚湯呈奶白色，飲落非常鮮甜~ 🔎北菇滑雞煲仔飯（$83） 煲仔飯一上枱，職員會俾埋豬油同豉油你，叫你落完焗多2-3分鐘就食得。 雞肉都算嫩滑，而個飯亦都好香，粒粒分明，食落軟硬適中，正～ 食到底仲有唔少飯焦，呈金黃色，鐘意食飯焦既朋友一定要試下❤️ 🔎蜜椒牛柳粒（$98） 牛柳粒食落唔會韌，而且份量都唔少，配上蜜椒非常之夾👍🏻👍🏻👍🏻 🔎雞中翼（$25） 🔎牛舌（$25） 🔎燒紐西蘭羊架（$68） 比起小菜同煲仔飯，個人就認為佢既串燒就稍為遜色。三款串燒都不過不失，唔算特別好食。 ㊙️另收加一服務費 🇭🇰：ʚɞ 江湖小棧ʚɞ 📌 荃灣鱟地坊30號寶成大厦1號地舖 ~~~~~~~~~~~~~~~~~~~~~~~~~~~ Please follow my instagram and Facebook: venwhl ~~~~~~~~~~~~~~~~~~~~~~~~~~~
