今次黎到屯門紅橋，行左一個圈，我地就揀左食間小店~店內位置唔多，但幾乎坐爆。整如嗰餐廳名，佢係主打餃子，仲有烤魚同雞煲食~ 🔍 麻辣豬肚雞煲（$168/半隻，$268/1隻）我地一行三人，因為想試多少少野食，所以我地揀左要半隻雞，口味方面揀左BB辣。上枱啲雞已經煮熟曬，可以即刻食。雞肉都算嫩滑，食落唔會韌。而BB辣都比我想像中辣，而且好麻🥵🥵🥵 🔍 麻辣魚皮爽($28)食落非常爽口，魚皮份量都算多，我感覺佢既麻辣程度同雞煲差唔多。唔食得辣既要留意下~ 🔍京葱羊肉餃（$45/6隻）我地揀左湯餃，湯餃會配花膠螺片雞湯，店家聲稱不含味精。上枱湯底呈乳白色，飲落鮮甜，我地飲完都唔會口渴。餃子餡料調味岩岩好，唔會太鹹，但略嫌嗰餃子皮厚左少少。🔍白菜豬肉餃（$33/6隻）我地揀左煎白菜豬肉餃，加米線（+$7）。白菜豬肉餃睇落似炸多過煎🤣🤣食落脆卜卜~ 🔍煎廣島蠔餅（$49）蠔餅🦪有6塊，每一塊都脆卜卜，配埋魚露一齊食就好正~不過，我略嫌蠔既份量唔夠多，再多啲蠔就好啦🤤🤤🤤 ㊙️佢中午既價錢會晚上平少少。⚛️Disclaimer: 以上食評100%真實及純屬個人意見。🇭🇰：ʚɞ 餃手餃子靚湯ʚɞ 📌 屯門青翠徑7號金邦大廈地下24號舖~~~~~~~~~~~~~~~~~~~~~~~~~~~Please followmy instagram and Facebook:@venwhl~~~~~~~~~~~~~~~~~~~~~~~~~~~
