呢間軟飯王係元朗好出名，如果你walk in去買，基本上係無得食，一定要事先打電話落定外賣先有得食，非常誇張。今次我同朋友準時17:30開始打電話去叫定嘢食，好好彩19:05就有得拎啦。留意返👀呢間店舖只做外賣，無得堂食。🔎椒鹽豬扒炒飯($50)呢個炒飯勁香，食到出啲飯粒粒分明，夠乾身，而且份量好多。味道方面有好重蒜頭味，調味唔會過鹹，令人會想一啖接一啖咁食落去。而椒鹽豬扒味道都唔錯，可能因為焗得太耐，豬扒表面冧咗少少，豬扒入面唔會話乾爭爭，都有少少肉汁，但略嫌無咩椒鹽味。 🔎乾炒牛肉河粉($50)河粉煙韌，唔會一夾就斷，牛肉份量唔少，調味方面就啱啱好，不過不失。 我個人覺得炒飯比較出色，我一定會再買黎食~如果想食既朋友可以留意「軟飯王」既Facebook上既資訊。🇭🇰：ʚɞ 軟飯王ʚɞ 📌 元朗大陂頭徑14號福星樓地下6號舖
