好耐冇更新個blog，其實一直有寫，不過都係冇勇氣po出黎。 呢個暑假入面發生左好多事,發生左令我好想逃離呢個家既事情。 與其話想逃離呢個家，只不過系想逃離阿爸既束縛。 當我越黎越大，有左自己既價值觀，慢慢發覺我同阿爸既軌跡越離越遠。我同佢傾談既時候越黎越多鬧交既時候（其實大多都係我比佢鬧。）加上我越黎越大個，開始變得反叛，我開始好唔中意佢。（我阿爸就好似一個系古代穿越過黎既人，思想古舊封閉，傳統既大男人主義者，佢總係認為佢講既野一定系啱。) 其實我已經知足，因為佢俾左一間屋我住，同埋有比家用阿媽（雖然一個月只有8/9ooo蚊，但阿媽暗地裡都會自己掙一兩千蚊），生活尚算不錯。 啊，仲有一樣野，阿爸教識咗我要珍惜自由既重要性。以為由細到大我都冇乜自由，因此有既時候都會好好珍惜。我由細到大最大既理想就係得到自由，我一直好努力好努力咁學習，為既就係有一日可以好似雀仔咁系天空自由自在咁飛。但我知道系阿爸心入面佢覺得我只系一件屬於佢既物件，永遠都唔可以離開佢好遠。（因為有一次我忍唔住同佢鬧交，佢將佢既“心聲”講左出黎）但我都係好想好想用自己既力量去決定自己既人生。我知道佢愛我，但係佢既愛太多，我承受唔起。有時候捉得太緊需放手。 我有好多事情，有好多煩惱好想揾人傾訴，無奈既系果個人仲未出現。我已經厭倦左自己一個夜媽媽系床上面喊，好想有一個膊頭俾我可以挨下。 好多事都要自己面對，好多壓力儲埋左，其實我都好想抖下，但我可以嗎？
