真係忙到一個點..兩份兼職, 實習,交功課,寫數之不盡既文...一個星期入面要寫足8篇2000-2500字既文章..真係寫到我好累....好多好多準備工作 結果真係連自己休息既時間都少..無周圍去搵好野食..去玩.. 今日已經係2017年最後一日..好想寫多一篇BLOG~~介紹下好味既食物 事緣有位仁兄鍾意瘋狂食咖哩..所謂近朱者赤, 被佢感染下我都會食 其實重慶入面真係好多特色既咖哩..如果你敢入去嘗試 每一家都有佢地既特色..有南部有北部.各有特色.~~~好似SAMOSA/炒飯咁, 佢地都有好多唔同做法嫁~~ 等我下次有時間又為大家介紹下~! 今次就介紹呢間食素咖哩既印度餐廳~~真心正宗的! 唔係我地平時求其食到"FUSION"咖哩, 因為大部份印度餐廳都因應本地人口味而改變左個食譜 入親呢間餐廳都坐滿左印度人...好受佢地既同鄉歡迎..睇睇下,原來佢地1981年已創立~~係犀利既老店,更值得支持..過左30年喇.! 你問我既話, 我覺得佢地既價錢都係公道.合理既. 我食過呢間兩次, 兩次都係食到好開心好滿足既. 因為真心高質. 今次點左個套餐, 係北印式套餐 就係上面個圖~由好多不同既咖哩/乳酪/豆湯/香料/甜品圍住印度雜菜飯~~再加三個素包~~$160 (加左價X.X) 不過如果你唔夠食, 都可以合理再加其入既食品 初初你會好奇怪點解個湯.甜品咁細..不過食完全部既時候, 其實都夠飽 呢個套餐好就係好在你唔使散叫大大份, 樣樣細細份,你就可以食哂咁多款! 我好鍾意乳酪, 仲有最辣的雜菜咖哩!真心GOOD QUALITY! 每一個都係心機之作 我地驚唔飽, 再點多左香料檸檬飯, 同樣係出色~不過今次有少少油. 好多講唔出既香料.. 最後點左甜品, CULAB JAMUN 食炸奶球配糖醬..真心甜~但係又好好甜wor...無得救嫁喇XD 地址 活蘭印度素食Woodlands International Restaurant 尖沙咀麼地道62號永安廣場UG 16-17鋪 祝大家新年快樂:P 希望大家都開開心心同自己重視珍惜既人在一起!
