今日想推介既係兩種辣~重慶及成都 ~再加台灣既麻辣火鍋~~ 天阿, 吃辣吃上腦,,連朋友都話我這種是不要命的辣~ ~ 好彩有個肯命我食辣既男朋友,哈哈哈哈! 1. <舌尖上的中國2>推介既重慶渝味曉宇火鍋 實不相瞞,我真係好喜歡舌尖上的中國呢個節目, 雖然自己廚藝有限... 但呢個節目極用心,做很詳細資料搜查去介紹最地道及傳統中國美食 以前重慶渝味曉宇進軍銅鑼灣個陣已經好想試, 結果都係去左西環呢一間 新張開幕有折~ 新店裝修好古式, 木椅配大屏風..仲坐得好舒服.. 抽風系統好好 最貼心既係一坐低就有兩碗送既雪梨糖水潤一潤 今次叫左個紅白鍋: 特色香果鍋 同紅鍋 點左兩隻蠔~麻辣牛肉~嫩牛肉~苕粉~芋頭~仲有菜菜~~~ 對於香果鍋真係無咩特別感覺, 清清地有水果咁...清到可以飲 呢次既重慶辣, 令我搵返杭州食成都麻辣既感覺.. 一樣都係一路食一路流汗.. D辣初初食無咩野...但係再繼續食就好麻 呢種辣唔係會令到你一食就好想噴火, 初初仲以為無咩料到..但食到中間已覺得好正 蠔係新鮮既,但係同麻辣鍋唔係幾夾, 因為好難入味,,真失策! 下次點其他先~~ 推介苕粉~~~~~~! 麻辣嫩牛就麻麻地,唔知點解咁痴...D汁仲好似凝固左咁.. 真係真材實料..無偷工減料地落左好多辣椒嫁! 驚喜係有竹...令到個湯更有唔同既層次. 既然係舌尖推介,,,,,,,所以打折後格價都係偏貴既~ 2. 蜀大俠 (我極力推介) 當我初初發現香港竟然開左成都既麻辣火鍋, 結果係極速就上左去 可能係新裝修,個抽風系統真係麻麻地..未入到去..在外面等位已經不斷咁打噴嚏 不得不讚呢度既裝修..太有置身古時的感覺...坐得好舒服..同渝味曉宇一樣, 貼心地準備左圍裙 連個鍋都仲要係龍頭, 真係好浮誇!~~感覺上呢間鋪頭, 除左賣味道,仲考慮埋客人視覺享受. 連菜式都係經過設計, 花心思! 呢次既火鍋,,一坐低...侍應就放低樽香油!!!!! 呢樽油..仲有個包粉叫干碟..係食火鍋用黎畫龍點晴! 跟足個份量黎整個~~~好鬼正阿喂.. 選左最辣既程度. 今次真係食到興奮...係到好開心!!因為呢種辣...就完完全全係杭州食既成都辣... 呢個辣勁係令人除左流汗..就係成身都係滾仲有麻....我食到中間真係頂唔順....當然男友愈食愈開心 佢同重慶既辣唔同在於佢既辣係即時既..重慶辣係慢慢黎既...仲有係香! 係有好多料..唔識講.. 今次叫左好多配料....花千骨、麻辣牛、雙椒炒飯、舌尖上的牛、功夫土豆片、菜、木耳 麻辣牛: 絕對無痴埋一堆...每塊牛都有一定分量既辣椒 本人極力推介!!!!!!!!!!!!!!!!!花千骨..必點! 無諗過咁好食...仲有伴碟既芽菜絕對唔霉,係爽口既 舌尖上的牛~~好靚~~牛舌新鮮,爽口 土豆片..唔知係咪手切..但將土豆切到咁薄仲要整到咁靚..真係唔捨得食...以為呢度好少...但食極都仲有 推介: 雙椒炒飯 (男友覺得每餐唔可以冇飯,呢間火鍋店竟然有!抵讚啦!!) 呢個飯一試難忘,重點:真係炒得好好,唔油,飯一粒粒 男友仲要食完一碟再食ENCORE左多一碟~~~~~~~ 最後就當然食清哂!!!!!!!!!!!好勁阿我地~~~~~ 食麻辣鍋,我覺得如果食到最後個湯係苦..咁佢就真係成功..而呢個真係苦嫁... 你問我...新張期內打完88折,,, 價錢係合理既~!! 最後最後~~~~~我一定要讚一讚呢間鋪既中年經理(應該係掛,得佢著恤衫) 食左成餐, 睇住佢一個人控制成個場..絕無偷懶....忙到抽哂筋... 提醒其他待應...安撫等位客人...落手落腳去執枱上菜....尤其最忙個段時間..佢都好沉得住氣...穩住大家既心 最重要既係...佢一直都係好有耐性面帶笑容去提供服務..個人真心佩服!! 好讚嘆佢既服務質素.. 提提大家,如果想試呢間新火鍋店...最好都係訂定位...因為真係幾爆棚嫁~~~~! 本來想打埋台灣火鍋, 好眼訓..都係聽日先啦~~byeee
