九龍城區的牛石料理，有水準燒肉。 去到已經見到門口大大個魚缸，望入去感覺唔會太暗，我比較喜歡光線充足一點，可以清楚睇到牛牛麻，嘻嘻。我們二人安排坐在卡位，兩個人可以坐在寬敞既卡位，正! 還有，值得一說的是，食燒肉最怕個陣油煙味，但呢度每枱爐上有個小型金色抽風機，所以氣味不會太濃烈，唔需要怕食完變成成陣味！ 一坐低立刻就打開餐牌，睇我最喜歡的燒肉，最後我們決定點牛石二人會席($768兩位)，方便試晒不同種類食物。(最大原因係有選擇困難症 哈哈) 另外，上網見 呢度有冬天限定嘅 香箱蟹 ，即係松葉蟹毑，好似大閘蟹咁, 冬天當造，好多膏!兩個人可以以$98 叫一隻!當然要TRY TRY 啦! 店員還跟我們說，牛石料理開業一週年正進行推廣，$168 五點兩切，品嚐到5款矜貴刺身(刺身包括:金鯛、飛魚、鷹鯛、羽太、魴鮄、葉血引、島池魚、伊佐木、眼仁奈、糸撚鯛、剝皮魚)，嘩! 幾特別喎，有別於香港人常常吃的，所以我地又叫左個。 蟹籽沙律，作為前菜真係好開胃 食完沙律，首先登場的是一週年推廣的矜貴刺身(五點兩切)！好鮮味阿!!!!! 再來係套餐的三點四切，哈哈，有點比下去，因為食完矜貴刺身麻。 接下來就係食香箱蟹喇!!超奶級方便，餐廳將蟹肉拆晒出嚟，加埋蟹膏同埋蟹籽一齊撈均，明明岩岩見到佢地仲生'OUT OUT'一眨眼，已經俾人煎皮拆骨...真係實在太方便我呢個懶人喇!!!!第一次食香箱蟹，好驚喜，蟹肉鮮甜，膏帶咸香，而蟹子爽口，食落好有層次，啖啖都非常濃郁!真係好想食多隻...BUT, 仲有好多野食，下次先啦! 點擊圖片放大 美麗蟹后完就到和燒肉有個約會! 店員再放上沾醬，枝豆醬，芝麻醬，燒汁三種選擇，味道從淡到濃。 此時店員亦開始幫我們預熱石爐，需要等9分鐘左右。 登登！和牛盛宴來了，店員還跟我們講解了一下食的次序： 美國頂級牛小排、澳洲和牛、和牛牛舌、佐賀和牛、牛肉粒 每人每樣可以食兩塊，我唔客氣咯~~~ 先吃一口原味，牛味濃郁、又juice，除了沾醬，還可以選擇加點海鹽、胡椒。 連同沾醬，簡直是送飯最佳選擇! 食過牛小排、澳洲和牛、牛舌，終於來到日本佐賀和牛，美美的網紋(流口水) 真真真的是入口即溶，牛的香氣在口中一直漫廷，大力推薦！單點必吃！ 最尾食美國牛肉粒，味道是五款最濃，清清口中油油的感覺。 雖然好像不是吃了很多，但滿足感比你吃放題更大！！！ 下次一定會再來!
