前排同男朋友試咗一間燒肉放題 - 尚鮮日式燒肉 我哋會揀一啲又有燒肉又有刺身,,可以多啲選擇,,唔駛淨係燒咁熱氣 近呢一年都已經少咗選擇食放題,,因為埋單計$600蚊1位的話,,可以食到啲質素唔錯嘅日本菜,,而且又唔係真係可以食得多 今次揀咗呢間喺銅鑼灣,,係因為有得燒甲羅燒! (之前喺日本食過,,真係好難忘! 當然喺香港冇得比喇….) 每枱都會送一盤海鮮拼盤,,前題係你要Like咗佢哋Facebook,,跟手Share埋佢地段Video喇! 明嘅明嘅~ 呢間餐廳用Tablet點菜,,侍應會教你點樣用,,睇清楚每次落單嘅份量,,唔好做大嘥鬼! 同埋用Tablet可以Check返自己叫咗咩餸,,有時成盤嚟到都唔知咩肉打咩肉,,想Encore都難! Tablet 入面有好多款唔同嘢食揀,,燒肉、燒烤、剌身、壽司、卷物、小食、炸物、熟食,,都部都有圖有真相!! 每個就係每枱一盤嘅海鮮拼盤 ,,有甲羅燒,,鮑魚,,蠔,,蜆,,扇貝同大蝦 除咗甲羅燒之外,,其他都係跟人頭俾嘅,,如果想encore就要另外加錢喇! 除咗熱食之外,,我哋每樣都有叫啲 冇漏單情況,,上菜速度都唔慢,,味道都幾好嫁! 點擊圖片放大 +2 另外,,值得一提呢就係,,每枱都有幾個USB位,,可以一路食一路叉住電! 唔擔心冇帶尿袋出街,,上嚟食飯就可以了! Haha
