身邊有識食嘅朋友，帶挈自己都有口福😋 今次朋友帶我去尖沙咀呢間Fine Dining Restaurant，環境輕奢，燈光柔和。晚市有兩款 8 Course Menu選擇 (Carviar $1680 / Deluxe $1380)🍽 我就揀左Carviar set，貪佢主打龍蝦入饌菜式 🦞✨ 一黎先上三選一自家製麵包，連香軟牛油都係自家製。麵包咬落有筋道，歡迎encore或試齊三款☺️ 🍴餐前小吃係用低温炸嘅薯片，夾著嫩滑鵪鶉肉同三文魚籽，配合醋汁，特別開胃。 🍴蒸龍蝦燒賣配閃光鱘魚子醬和小龍蝦龍蝦泡沫及墨魚汁呢個係矜貴版嘅燒賣，餡料用黑膠帶子同龍蝦肉做成，小龍蝦龍蒿泡沫及墨魚汁作調味，鮮甜無比。放上金箔、鱘魚子醬同食用花裝飾，賣相好靚❣️ 🍴夏威夷吞拿魚馬卡龍配黑魚子酸忌廉汁，香草沙律酥香甜美嘅馬卡龍，配搭日本豉油同Wasabi嘅吞拿魚，甜同鹹嘅味道都好平衡。墊底嘅沙律配上黑魚子酸忌廉汁，味道更豐富。 🍴忌廉蠔湯配辣根泡沫和北海道酥炸生蠔呢道菜我好中意❣️蠔湯細滑鮮甜，酥炸生蠔用黑啤做炸漿，炸皮脆薄香口，生蠔creamy 滑溜。 🍴經典北海道帝王蟹班戟和三文魚子及魚子醬忌廉配鼠尾草泡沫黑色Pancake皮用墨魚汁做成，餡料係拆絲嘅帝王蟹肉同。醬汁係魚子醬忌廉、三文魚籽及鼠尾草泡沫，香味撲鼻。 🍴香煎尖吻鱸魚配脆炸辣肉腸薯波及黑魚子鱸魚肉質結實，味道鮮美，一啲都唔腥。薯波都好香脆。 🍴雪萉配鮮紅石榴及泡沫主體係熱情果雪葩，配上紅石榴泡沫，味道酸酸甜甜好清新✨清洗一下味蕾，迎接下一道重頭戲。 🍴慢煮龍蝦和扇貝卷配油封龍蝦鉗，拇指馬鈴薯和藏紅花蕪菁配蘆筍及魚子醬和龍蝦汁龍蝦主題嘅重頭戲菜式🦞❣️慢煮龍蝦同帶子，肉質彈牙。蟹鉗用牛油煮過，香味撲鼻。配上墨魚汁、魚子醬同龍蝦汁，三種鮮味互相輝映 🍴豆腐焦糖燉蛋配上檸檬醬，甜中帶酸不會膩。薄薄一層薑汁啫喱也特別清新。必須一讚豆腐荳味香濃，質地幼滑。開頭甜甜地，後黎食到豆腐清清地。。 🍴棉花糖撻配法國朱古力上枱嘅時候會喺你面前揭開蓋，呈現出煙霧離漫嘅效果😍 記得要準備好相機📷 棉花糖口感煙韌，食落涼涼地，味道清新。四粒法國朱古力更為整頓晚餐畫無完美嘅句號🍽 整體來說，菜式相當有巧思。每次上菜，廚師都會詳細講解；侍應適時更換碟盤、添水，服務殷勤，推介大家特別日子嚟慶祝一下❣️味道 ✰✰✰✰環境 ✰✰✰✰✰CP值 ✰✰✰✰Amina Modern European尖沙咀廣東道82-84號流尚坊8樓📍
