近幾年大家都注重健康，開多左標榜健康飲食嘅餐廳🍴近近地元朗就有一間，主打慢煮飲食，除咗更能保留食物原汁原味，仲可以保留更多營養。而且仲有素食選擇，啱晒我老公🥰 慢煮紐西蘭牛扒便當 ($88)全素便當黑松露炒蛋配紅米飯 ($43) 兩款便當都有蔬菜同薯仔打底，咬落爽甜。配嘅紅米飯比白飯更健康。貪心嘅我哋仲加多隻糖心蛋，蛋液狀態非常靚仔✨慢煮牛扒份量好多，肉心微紅，軟嫩有肉汁。黑松露炒蛋香氣四溢，質地嫩滑。 見呢度有多款魚湯泡飯選擇，又點了齋飲鮮魚湯 ($40)，入口超鮮甜，飲完好滿足😊 暑天吃午飯，嗌埋涷飲先醒神😎 🍹 巨峰梳打$20 橙汁$20 唯一係慢煮的確較費時，落單後要耐心點等待美食呢😋味道 ✰✰✰✰環境 ✰✰✰✰CP值 ✰✰✰✰健舍便當元朗馬田路20-30B號安寧大廈地下6號舖📍
