香港寸金尺土，有好多人都生活喺蝸居之中。小朋友亦不例外，每日喺光線不足嘅環境下溫書做功課，無足夠嘅自然光保護眼睛，令到香港有唔少小朋友細細個就患上近視，鋒鋒亦喺其中一位🥺 因為鋒媽都喺深近視嘅人(800-1200度)，所以對鋒鋒嘅眼睛特別緊張，由幼稚園開始每年都會驗眼，而且一切正常。直到小學，正正係小朋友眼睛開始發育嘅時期，鋒鋒近視一下子由零變百五度，當時都無諗啲咩，配返副普通眼鏡戴就算。點知遇上疫情停課，日日喺屋企開Zoom上堂，近視又再加深百幾度。距離鋒鋒發育完全仲有10幾年時間，豈不是到時咪會變成千幾度近視😵💫…… 當時視光師介紹咗一啲控制近視嘅方法俾我地，雖然無辦法令近視清零，但可以減慢近視加深嘅速度。長遠嚟講可以降低近視加深嘅速度，仲可以減少將來長大後出現眼疾嘅機會。 咁多種控制近視嘅方法，我希望幫鋒鋒揀一種最舒適同無入侵性的近視控制方法就最好。相信好多有帶小朋友去驗眼嘅家長，都有聽過HOYA呢隻MiYOSMART兒童近視控制鏡片，而且喺香港開始普遍起嚟，鏡片有效減慢近視加深速度平均達 60%，即係將近視加深嘅速度降低。 呢款兒童近視控制鏡片由HOYA同香港理工大學合作研發，仲喺香港做咗兩年臨床研究測試，對象全為香港小朋友，數據甚具代表性。當中有21.5%嘅小朋友甚至近視零增加，仲拎咗專利設計及國際認可，覺得好有信心同保證。 鋒鋒嘅近視喺兩年內大躍進下，我最後幫鋒鋒配咗HOYA MiYOSMART兒童近視控制鏡片，雖然好貴，但眼睛健康係無價！鋒鋒帶咗HOYA兒童近視控制鏡片有一年多，都有定期乖乖去驗眼，近視加深嘅速度明顯減慢咗，只係深咗30度左右，有次檢查近視更加無再加深到添！ 但近視度數同眼鏡度數始終唔可以相差太遠，鋒鋒今年升小三轉電子教學，即喺每日上堂都要對住部iPad，好傷眼呀😵。由於已經有一段時間冇定期去做覆檢，為左安全起見，於是帶咗鋒鋒到「護眼．家」搵江博士驗眼，順便做個全面詳細檢查。驗眼唔止驗近視度數，仲會問埋家族病歷，日常生活習慣，再做埋屈光、眼壓、雙眼協調、色覺、眼睛外部/內部嘅檢查，比出面坊間嘅眼睛檢查更詳細！ 江博士仲好有耐性同我地講解鋒鋒眼球嘅健康情況，發現到鋒鋒嘅晶狀體有一小黑點 (Mittendorf Dot) 🥺，眼睛內嘅虹膜亦有一個稱為永存性瞳孔膜(Persistent pupillary membrane) 嘅有趣小發現(附圖)，兩個都係先天性，一般唔會影響視力嘅良性狀況，只需要日後繼續留意返會唔會有咩變化。仲俾咗啲護眼嘅建議鋒鋒，例如每日要有2個小時或以上嘅戶外活動時間，等眼睛可以吸收多啲自然光線。即使留喺屋企溫書做功課或者睇書，面向有窗嘅閱讀環境都會對眼睛好啲架！ 經過檢查之後，鋒鋒嘅近視度數輕微加深，江博士都話因為本身用緊嘅控制近視鏡片度數有出入，所以都有所影響，而且戴咗MiYOSMART控制近視一年多，睇返佢嘅近視加深速度同度數都係唔錯，相比之前戴普通眼鏡短短時間內加深百幾度，可見MiYOSMART整體上對鋒鋒有幫助，只要配返副啱度數嘅近視控制鏡片就冇問題✌🏻。 由此可見，定期進行眼睛檢查非常重要，各位家長要好好把握6至12歲近視控制黃金期，及早發現便可及早預防近視加深。眼睛咁重要，一定唔可以拖延架！配左MiYOSMART嘅小朋友，記得都要定期覆檢呀！
