真喺有足足一年無飛喇，留喺香港唔洗發霉嘅。上網做下資料搜集，可以搵到好多親子 好去處！仲未發掘到？等《小腳板走天涯の鋒媽與鋒鋒》帶你去馬灣staycation啦！ 我想營造出外旅遊嘅感覺，今次揀咗馬灣挪亞方舟度假酒店。經過長長嘅青馬大橋，再拉埋行李喼，旅行嘅feel返晒嚟！ 去馬灣一啲都唔難，青衣、葵芳、荃灣都有專營巴士直達，喺中環坐船亦可到達柏麗灣碼頭。今次我地一行四人，就選擇由青衣坐的士入去，大約$70就搞掂。 嚟到挪亞方舟酒店3樓，不知不覺間已置身喺船建築物內。 酒店lobby 環境都幾寬敞光猛，另一邊有可以免費享用嘅娛樂設施及飲品販賣機。辦理好簡單嘅check in手續，即刻入房先！ 打開房門，喺叢林動物派對主題房間呀！呢到有成400呎，放假入住真喺好relax。呢間主題房喺事前電話book嘅，有5個主題，熱愛小動物嘅鋒鋒就揀咗呢間房，可愛到有種治癒感！ 豪華主題客房入面有好多設施架，床嘅前面有個小帳篷，小朋友最鍾意有自己嘅小天地，可以玩餐飽。連小圓凳都有動物主題造型，房間落足心思設計呀！ 打開趟門，有一個超特大露台，心曠神怡！ 至於洗手間，你以為呢到有兩個洗手盆，其實加埋喺有四個洗手盆呀！豪華客房有成兩個套廁咁多，一家四口或同朋友去staycation ，唔洗排隊去廁所真喺爽好多。 點擊圖片放大 咁靚嘅房間，緊喺要打咗卡先開始玩啦！ 憑住宿套票可以用優惠價HK$125/位，購買挪亞方舟兩天入場門票。Staycation 緊喺要玩盡佢，第一時間去咗E-Planet 夢想星球。 喺全港首個以大自然為主題嘅光影互動展館，每個展區都有獨特之美，一齊嚟感受下啦！ 住宿套票仲包咗啤啤熊之友製作室，免費製作啤啤熊一次。揀好咗啤啤熊嘅外型，就可以去棉花機填充喇。 工作人員好有愛心咁教鋒鋒點樣將熊啤啤填滿棉花，原來熊啤啤是咁樣煉成的，長知識喇！ 啤啤熊填滿晒棉花後，就好似賦予咗生命俾佢咁，呢位小暖男好細心咁一針一線幫啤啤熊縫口。 大功告成了！仲可以自費幫啤啤添置服飾，同行嘅小妹妹揀咗件婚紗俾佢著，又幾襯啵！ 玩咗一個下午，要到豐盛閣開餐喇！都喺住宿套票包埋嘅，由於我哋周六入住，所以係享用 6道菜set dinner好豐富呀！更可以邊食邊飽覽青馬大橋無敵靚景，有一種遠離塵囂嘅感覺。 豐盛閣嘅海陸盛薈精品晚餐walk-in食要HK$478/位，住宿套票包埋的確好抵！ 頭盆有凍海鮮盆、雜錦刺生，擺盆好豐富好colourful ，有原隻龍蝦、小白蝦、青口、扇貝、三文魚、吞拿魚、海蝦、油甘魚等等，食落都好新鮮。 龍蝦湯質地黏稠味道夠濃，一啖一啖暖心頭。 香煎鴨干配黑醋醬好香口，鴨干嘅油脂滲透多士，食落甘香可口。 Menu上嘅主菜有齊豬、牛、雞、羊、魚，人人都有啱食嘅野。 胡椒香料煎牛肉眼配雜菌及洋蔥汁 牛扒七成熟剛剛好，肉質細嫩肉味濃。 香煎比目魚柳配煙肉茄蓉及紫蘇薯蓉 啖啖魚肉非常細滑，無腥味非常好。 七味照燒豬鞍配胡麻汁 厚切香燒鎖住肉汁，肉質軟稔，小小辣夠醒胃。 慢煮雞胸配松露忌廉及時令蔬菜 雞胸肉質濕潤，保留雞胸嫩滑口感，小朋友都食得好滋味。 第二個胃都開動！甜品拼盆—玫瑰紅桑子蛋糕、茉莉牛奶朱古力蛋糕、綠茶奶凍、焦糖千層餅、榛子朱古力忌廉泡芙。每款都好精緻，味道唔太甜。 食飽飽後，行咗出海濱長廊散散步，欣賞青馬大橋夜景，第一日完滿結束！ 挪亞方舟度假酒店Staycation DAY2! 訓醒覺一開房門嘅落地大玻璃，就可以走到室外露台呼吸下新鮮空氣，做下伸展運動！ 再到豐盛閣享受一頓美味嘅早餐，自助早餐好多選擇，中西式都有。有粥、炒麵，烏冬、炸魚柳、漢堡包等等... 食飽飽再去玩！ 11:00 前要退房，寄存咗行李之後，買左兩日門券嘅我地繼續喺園內遊玩！ 園內有好多設施可以俾酒店住客自費預約時間去玩，例如空中繩網、踩單車等等，部份活動公園門票已包。我地玩咗童趣飛馳樂，場地超大，每節時間約20分鐘，有足夠時間俾小朋友放電！ 「童趣飛馳樂」唔同年齡嘅小朋友都啱玩，除咗足球場嘅主要賽道，側邊仲有超長嘅單車徑俾小朋友緞練身手。單車徑高低起伏，幼稚園bb唔夠力踩架！所以家長要睇實。 園內仲有一啲遊樂設施、展館喺要憑門票進入，例如躍動天地、方舟花園、方舟博覽館、 珍愛地球館。 我哋喺方舟前面留咗倩影，紀念今次Staycation住得開心，食得開心，玩得開心，兩日一夜嘅行程完滿結束！ 最後，希望疫情快啲過去，大家可以無拘無束地享受生活！ 更多預訂酒店資訊： 家庭樂繽紛主題套房住宿套票 (2月至3月) https://www.noahsarkhotel.com.hk/hk/rooms/room_promotion_imgs_296_d_poster.html歡迎聯絡合作、產品試用、出席活動：FB﹝小腳板走天涯の鋒媽與鋒鋒﹞ | ig﹝Viann Lifestytle﹞OpenRice | 大眾點評 | Google | UBlog | blogspot E-MAIL：monkeyan_dog@yahoo.com.hk
