鋒鋒升小一喇，原來好多野要準備！買書、校服、鞋、書包、影學生相... 根據幼稚園嘅經驗，返學鞋愈早買，愈多款同碼選擇！小朋友升小一後，著鞋嘅時間長左，最好就係揀一對舒適、健康嘅返學鞋。所以今年決定去 Dr. Kong 睇睇，正所謂著鞋要健康、去搵 Dr. Kong！ 過往一直都係百貨公司買返學鞋，無諗過原來買鞋都咁有學問。入到 Dr. Kong，店員姐姐會先幫小朋友驗腳仔，鋒鋒企上驗腳儀器檢查足印，睇下有無扁平足，再量度後跟斜度，先配鞋墊。 哎呀，儀器結果顯示鋒鋒有「寬扁平足」嘅問題，即係足部缺乏彈弓推送身體同吸震，行路或跑步會較容易攰... 其實都唔算係好嚴重嘅問題，只要多啲鍛鍊小腿同足底肌肉，就會有助足弓發展。小朋友每對返學鞋都會免費配一對鞋墊，呢個 case 店員姐姐建議著 C 墊，真係好 PRO 呀！ 返學除左對鞋，書包都好重要，細路每日揹咁重嘅書返學，係呢個發育時期會影響脊骨發展，輕則寒背，重則引致頸肩肌肉勞損，所以順手揀埋個護脊書包俾鋒鋒，希望佢健健康康返小學！ 經過店員姐姐講解，Dr. Kong 嘅護脊書包有「無壓護脊設計」，即係背板中間會有凹陷位，✔提供無壓空間，保護脊柱免受撞擊。同埋記得書包要有「腰帶」嘅重要性，可以幫小朋友✔卸去書包對肩膊嘅壓力，無咁攰同預防寒背。 Dr. Kong 書包啲款都幾吸引小朋友，睇下鋒鋒揀左呢個鯊魚嘴書包，話等條鯊魚食晒啲功課喎...
