因為覺得Salzburg吾多野睇，所以安排左尾二呢日碌去隔離德國個國王湖朝聖 因為由Salzburg去國王湖Konigssee只需一小時，而且個個去過都話係人間仙境，沒有理由不去吧 來回都係坐兩程巴士，首先喺Salzburg train station附近h&m既巴士站搭840，無記錯係一個鐘一班車，因為prefer早去早回我揀左搭09:15果班，9點就去到巴士站排頭位曬到hihi，同排我後面既獨遊韓妹吹到駕車到，佢仲show俾我睇頭先影既街拍幾張都影到我lol 上車果陣記得同司機講買one day ticket，咁就可以10.2歐搭哂呢日4程巴士 呢程總站搭到去總站，所以有得坐吾洗擔心幾時落車可以盡情望風景 到左Berchtesgaden總站就要轉841或者842號巴士，兩駕都去國王湖，後者係快線，不過其實正常10分鐘都到lol 落左車即去info center拎船既來回時間表先，夏天黎最好，因為日照時間長船會run耐d，而且船只會喺夏天先駛到Salet，可以行去好靚既上湖Obersee，見下面船路線圖，船會停兩站，先停St. Bartholoma再停Salet 要行條路先到上船個碼頭，側邊有餐廳同souvenir shops 點擊圖片放大 買飛呢邊! 因為要保護生態既關係，呢度用成本較貴既電動船，所以票價亦自然較貴，round trip盛惠18.5歐，買完過隔離上船 點擊圖片放大 船員大叔會一路講解下，但佢講德文我吾會聽得明，好彩附近有個識德文既亞洲女人translate俾同伴聽，我就順便聽埋一份xd 駕船駛到某個位會有個特別環節，船員會企喺度向住出面吹小號，然後你會聽到環迴立體聲咁既回音，係會覺得amazing既，所以睇完表演人人都會打賞番少少，我俾左兩歐lol 我無喺第一站落船，打算睇完上湖回程先番去，落左船完全係50 Shades of Green好靚呀 點擊圖片放大 +2 跟住條路同D人就會行到去上湖:D 點擊圖片放大 行到去一如所料好多人，影相好難無路人甲 真係有total reflection嫁，靚到好似畫咁好吾真實! 點擊圖片放大 係可以沿住湖既右邊行去遠處個瀑布，我有兜左個圈，但無行上睇瀑布果條樓梯，因為果日著得吾夠atheltic xd 跟住就搭番船落St. Bartholoma，有個大叔問完我有無人就坐左我對面，佢同行個小鮮肉就坐我隔離，幾靚仔嫁不過正值青春期有d痘痘，我開頭睇樣以為佢地係意大利人，呀大叔有對住我微笑，放心係感覺良好果隻，跟住佢拎包可樂糖出黎俾完小鮮肉食之後仲請我食，於是我講完Thank you之後就順勢問Are you guys from Italy? 小鮮肉就話大叔係德國人，佢自己就澳洲黎，大叔係佢呀爺個brother，我都吾知中文應該點叫lol 佢都有問我邊度黎，然後落左船就bye bye了，對吾住呀姐姐偷拍左你xp St. Bartholoma最吸睛係下面個紅蔥頭教堂，吾講以為去左俄羅斯lol 好肚餓入左餐廳醫肚，食完周圍行影下靚景 點擊圖片放大 +2 然後3點幾就搭船回程了 番到Salzburg睇埋個日落，是次旅程亦都暫告一段落，應該2019先會再出發，有post再通知大家! Thank you for reading x
