旅程第6日向最後一站Salzburg進發，book左11:07am既火車由Hallstatt出發，之前講過來往Hallstatt既ferry時間表係完美配合火車班次既，所以搭左10:45果班船，當時手上只有booking confirmation printout，諗住可以落船喺個站拎飛，點知小鎮站連員工都無，入面得一部ticket machine，好啦試下用機拎，試哂ticket code同booking code都吾成功，被迫放棄拎住張confirmation同check飛人講拎吾到算，好彩最後都過關，話哂我都已經俾左錢 呢程又係要喺Attnang-Puchheim站轉車，由於未食早餐所以好肚餓，見到個站有vending machine咪去睇下有咩食囉，㩒左條Oreo朱古力，點知有個細路走埋黎掂我個gip，跟住個女人走過黎一邊拉開個細路一邊問我拎錢，經過上年俾人偷過野之後我死都痴實我D野，極速拎左條朱古力之後即刻衝上車，好彩佢地無死lur我，btw條朱古力好食，即刻決定要買黎做手信:D 1:30pm左右就到Salzburg，比原定時間1:48早good! Salzburg兩晚住YOHO international youth hostel，好近火車站行8-10分鐘就到，8人mixed dorm 17歐即係HKD160一晚算係平，仲幾點check-in都得! Salzburg除左係City of Mozart之外仲因為拍Sound of Music出左名，而呢間hostel晚晚都會播仙樂飄飄好誇張lol 呢間hostel行平實路線，無特色decor，好大有4層好多房，間8人房吾算大但中間都有足夠空間執行李，個locker就好大可以放個26吋gip入去lol 最鍾意有個大既female shower room有幾格沖涼有塊大鏡有幾個風桶(雖然吾係好洗得xp) Settle好差吾多3點出去，其實只有呢日大半日同第日既夜晚可以explore Salzburg，因為第日會跳過隔離德國去個國王湖day trip，不過我覺得其實都夠，Salzburg吾係太多野行 於是即刻去遊客必到既舊城區先，會經過其中一個景點Mirabell Palace，有個花園咁啦吾係特別靚，直行出番去再行前少少就會見到條河同條橋 其實歐洲係咪條條橋都掛哂鎖orz 過對面就係Old Town 點擊圖片放大 由於太肚餓，過左對面即刻要搵食，見到間叫Burgerista既貌似吾錯，而且今次旅行so far都未食過burger薯條，入去啦仲等咩喎 叫左個Cheeseburger combo，野飲可以無限refill，每張枱都好貼心咁有卷擦手纸，重點係有一排醬任你點，從未見過有咁多款醬*0* BBQ蘋果醬好好味! 粗薯條好好食! 個burger都吾錯! 食完出去行前少少見到好多遊客就知到左莫扎特既birthplace，我純粹影張相到此一遊lol 而打橫呢條街就係Salzburg既購物街，D招牌全部都好似藝術品咁好鬼靚! 點擊圖片放大 +2 無諗住購物，見路就行，開始亂咁遊蕩，行到Salzburg最熱門既景點Hohensalzburg Fortress，見到呢個金球上面有個人仔有趣有趣，行上斜路有盛惠9歐既纜車搭上去Fortress睇Salzburg全景，但之前睇過Fortress既入場費都要12歐，覺得太貴所以無上，於是就向上一直行半山散步徑(見其他人都係咁行)，俾我睇到都算吾錯既rooftop views:) 點擊圖片放大 +5 行到咁上下見到有樓梯就落番去，個天實左太dreamy太靚喇 行番出去河邊，好鐘意Salzburg條河，好舒服好chill，連河水都係綠色嫁! 見到人地踩roller就諗起自己細個都好鍾意踩，好鬼開心:D 6點幾行番去購物街搵間餐廳食個early dinner，見到有間Cafe Mozart無食，最後揀左間意大利餐廳，歐洲黎講始終覺得意大利野最有水準吾會伏得去邊，加上想食pasta，上到去環境又幾靚，都好多人食，聽到廣東話!原來有一家四口香港人坐對面枱，對仔女應該都係細我少少，好sweet係有D羨慕，去廁所果陣同媽媽講左幾句，佢讚我咁叻自己一個黎，我又話佢地一家人旅行好好，然後講下奧地利都幾好xd 食完我又去番最鍾意既河邊散步，夏天開始就會多人坐喺草坡chill，是日多雲吾係好睇到日落，兜個圈慢慢行番hostel，途中有男子同我say hello，咁當然無AMS果d咁瘋癲咁好笑，吾靚仔既，笑一笑輕輕走過lol 另一個觀察所得係Salzburg最多beggars，吾知係咪因為多遊客既關係呢? #6完 Stay tuned x
