Hallstatt第2日去參觀鹽礦，出發前已經預先喺官網book左10:30am既guided tour，30歐包來回搭纜車包埋山上靚景，我覺得好抵，真心好玩又可以長知識，絕對推薦呀! https://www.salzwelten.at/en/hallstatt/prices-opening-times/ 呢日超好天呀，好天既Hallstatt真係無得輸，一直行到街尾再轉右行入去就會見到下圖好gag既紙牌大叔，指示纜車站就喺隔離，建議預早少少去搭纜車，多遊客要排隊，駕纜車又吾係carry到好多人，已經係好似逼地鐵咁個個企，好彩好快就到 上到去望番落黎都好靚，終於有少少行山既機會，要向前行一段路先到鹽礦，會經過下面呢條橋，係通去果個標誌性既三角viewing platform，我玩完鹽礦番轉頭先行過去:) 點擊圖片放大 +2 其實咁好天行起上黎都幾熱，加上因為鹽礦入面得7度所以著左件長袖有毛衛衣，行到出汗，當你再見到紙牌大叔既時候，表示已經到左目的地了 太肚餓入到去買左個牛角包食，食完望下都仲未夠鐘，點知staff同我講可以兒家入去join早一tour，咁我衝左入去啦，見到其他人都著哂指定要著既工衣，我都拿拿林問staff拎套衫著，原本佢係俾細size既綠色，但我著左闊褲塞吾落lol 唯有換套大size既紫色，完全係oversized，但又幾襯我件粉紫衛衣:p 所有團友都ready就一個跟一個跟guide lady入礦! 礦入面D路都闊既，而又真係寒既，愈落到底愈凍 行左陣已經到左呢個salt mine tour既亮點，就係sir以前礦工用黎加快落地底既木梯! 同團有班應該係奧地利既小學生，所以guide lady係講完德文再講英文，而同團又有班台灣團，導遊聽完英文就即刻講番國語俾團友聽，於是全程多聲道lol 班細路見到sir滑梯勁興奮，所以其他人都係等佢地sir哂先，guide lady教路: 吾好扶側邊，身lean back，抬起對腳，咁就sir得快好世界;D 有兩條梯俾我地sir，先短後長，我第一次敞得吾夠後sir得吾夠快，第二次訓低D個人真係快好多，有離心力好好玩! 第二次sir仲會幫你影相(5歐留個念)，記錄埋你個速度，最快緊係呀guide啦日日都sir :p 驚既可以孖住黎sir，不過我覺得兩個人仲衰，另一個選擇係行側邊條樓梯落去lol 點擊圖片放大 期間睇左下圖未經處理好大舊既鹽石，同埋喺鹽湖上映既光影show，當然亦都了解左前人點樣採鹽礦，同埋之後加工成為食用鹽既程序 點擊圖片放大 +4 Creepy dude at the end :p 最後黎到另一個亮點，就係排排坐呢個木頭列車出礦，名副其實既火車捐山癃，好玩! 點擊圖片放大 玩完鹽礦就行去樓上講到既三角觀景台 - Hallstatt Skywalk，呢個時候個天又變左多雲 當時我想喺呢個尖位影相既時候係多人到要排隊orz 多謝韓妹好有誠意咁幫我影，不過我真係好想整走後面條杉，好礙眼插住個頭 Views from above: 點擊圖片放大 +2 落山之後食個意粉繼續亂行，呢間野個老細每日都喺度鋸木，其實想買隻番黎放喺枱面，一黎屬羊要靠豬轉運lol，二黎真係幾得意、手工好靚，6歐一隻 一路都搵緊果個最instagrammable既明信片角度，原來碼頭右邊行上去就係，加上遠距離就見到有堆人就肯定係啦，集合左中港台泰韓既呃like遊客，應該個個都影至少10張先肯走 果邊住緊好多人，作為遊客要尊重居民既私癮，保持安靜，當然我都係見到D人企喺人地門口係咁影，雖然D屋真係好靚，即刻諗起威尼斯個彩色島都係咁，你會見到Hallstatt既居民都已經不滿，掛左point of silence同please respect my privacy等等既牌警告遊客 點擊圖片放大 +4 差吾多6點又行番落去，入左間酒店個湖邊餐廳開餐，叫左下圖呢個Prime boiled beef withy creamy spinach, hashed potatoes, apple-horse-radish chives sauce，超好食! 大愛中間果個蘋果茸既醬，好refreshing，boiled beef黎講又岩岩好吾會韌 城市人吾捨得遠離煩囂既仙境，於是食完再行番上去睇入夜既Hallstatt，好好望清楚呢個咁靚既地方，希望有機會下次冬天黎睇雪景:) #5完 Stayed tuned x
