旅程既第4日向世界文化遺產小鎮Hallstatt出發，好興奮因為個個去過都話靚到癲! 卜左9:55am既國營火車OBB由Vienna Central Station(Wien Hbf)出發，print左email confirmation出黎去到火車站要去Ticket center拎真正既車飛，好緊要因為火車係有人check飛既，OBB好貼心咁俾多張itinerary - list左咩時間hit咩站同埋要喺Attnang-Puchheim呢個站轉車，可想而知OBB係幾咁準時lol 我都吾敢怠慢，8點就check out hostel早D去到火車站喺M記食個早餐(btw呢度d早餐combo好平)，拎飛搵月台買支野飲上車9:55準時開車! 好鍾意坐火車睇風景，今次沿途風景又係好靚，有綠到無得再綠既草原，每次見到都有奔跑既衝動，未到Hallstatt已經見到好似仙境咁既湖區 1:30pm到達Hallstatt，落車就會望到通去碼頭條小路，船既班次係緊接火車個arrival time所以非常方便 5分鐘既船程，單程3歐，來回5歐，同船好多韓妹去影相呃like xp 一路搭船一路望住愈黎愈近仙境小鎮堅開心 ARRIVED!!!!!!!!!! 呢日比較多雲但都無損雅興，而且靚景始終係靚景，D湖水真係清到一定睇到倒影! 3點先可以check in，加上超級肚餓，所以即刻搵餐廳食野先，行入少少就係下圖呢個最易認既圓形廣場，亦都係遊客既photo point，好多中國大媽喺度擺leung爆pose影救命 呢個位有幾間餐廳，揀左右邊間Cafe Derbl，近門口既室外位我鍾意，叫左個pasta同杯熱朱古力，第一次見pasta都整pat cream，雖然個menu係寫cream sauce，原來真係咁literal hahahaha，不過又真係幾好食，定係我太餓呢? 點擊圖片放大 其實我只係住喺呢個廣場隔離，就係下圖中間白色呢棟Cafe Restaurant zum Muhlbach，樓下餐應樓上提供住宿，今次真係史上最豪，單人房HKD 800一晚，已經係Hallstatt市中心最平，2月卜果陣仲要係最後一間單人房再遲D真係無得住，旅遊勝地真係誇張! 住兩晚就無左我千六，不過值得既，我想留兩日好好感受下呢個小鎮。As much as I love staying at hostels，自己一間房最大既好處係可以一覺訓天光:D 今次呢間房都幾正，傳統奧地利風裝修，又有私家洗手盆，廁所同沖涼就出面共用既都好乾淨，唯一吾滿意係個wifi，我覺得係用吾到，好彩我有5GB data大把貨xd 點擊圖片放大 +2 Settle好就出去explore，呢日都係亂行第2日先去玩鹽壙，其實小鎮真係好細，一條大路街頭行到街尾就行完，兩邊都係做遊客生意既souvenir shops、小食同餐廳 不過有冒險精神既話可以行上D小路睇下咩料，我都行上左少少發掘左靚D既影相位 呢度既天都係變化莫測，本身好多雲，行行下又突然雲散，個藍天出番黎yeah 點擊圖片放大 +9 行到6點左右就搵間餐廳食個early dinner，Hallstatt全部都係湖景餐廳俾你望住個靚景食，完全係享受人生mode 揀左呢間出名食魚既中國風燈籠餐廳，叫左呢度盛產既鱒魚 - Grilled trout fillet with creamy sauce，吾太肚餓食半條就夠，另外有成條魚上，叫多杯野飲廿歐埋單，無要求tips 點擊圖片放大 食完行番去碼頭果邊再影下，搵鬼妹幫我影相好彩都係有誠意既，然後竟然俾我搵到個位可以瘋狂倒數自拍20張而無人騷擾，個景仲要好靚，開心開心:D 玩完係時候番去早抖，聽晚先影下夜景 點擊圖片放大 #4完 Stay tuned x
