Vienna第3日已經係喺呢度既last full day，不過旅程最後一日會由Salzburg番黎玩多大半日:) 呢日求其喺Karlplatz地鐵站間starbucks食個waffle飲杯peach tea當早餐，然後就向Schonbrunn Palace[以前Royals既夏宮]進發 點知醒起吾可以搭U4線直達因為Karlzplatz之後既站都close左，於是即刻google map搵alternative route -> 搭U2線去到Volkstheater轉U3線去Westbahnhof上地面搭60號電車(往Rodaun方向Schloss Schönbrunn站落)，好彩有Vienna card任搭吾嬲:D 點擊圖片放大 +3 電車似香港既輕鐵，連電車都插住彩虹旗支持gay pride yeah 落左電車過馬路一直行就會見到美泉宮大門，右邊有條大水坑，竟然有人跟我影相lol 到了! 無預先上網買定飛，所以即刻去左手邊ticket office打蛇餅排隊買，我11:30先到，已經好多人，好彩多counter條隊都快，買左24歐全包既classic pass可以去哂皇宮入面全部景點，除左皇宮本身仲有花園、迷宮、動物園、溫室等等，覺得佢似法國個凡爾賽宮，不過凡爾賽宮金壁輝煌好多lol 其實我最想睇都係皇宮個room tour同花園Gloriette (可以上草披睇Vienna全景!) 張飛上面會打左你room tour既入場時間，記得要跟呢個時間，無得偷雞嫁，而我既時間係2:45pm，應該真係好多人所以排到咁晏 好，行去Gloriette睇景先! 實在太好天25度藍天白雲[心心眼x5] 點擊圖片放大 +2 行到花園喇，all the way to the top! 點擊圖片放大 +2 上到黎喇，個個坐喺草地chill呢個畫面實在太靚，我都吾執輸揀個靚位坐埋一份，好好欣賞眼前既靚景，如果吾會曬黑我會坐兩個鐘，旅行就係要放慢腳步好好享受身處既surroundings! 坐喺度涼風送爽其實真係好舒服，我愛歐洲夏天! 坐左9個字再行上去睇多D，真係要講多次，個天真係無得頂 點擊圖片放大 差吾多時間就行番去皇宮準備入去room tour，backpack同野飲都吾可以帶入去，仲有嚴禁攝影，又撞正班強國大叔團一路行一路嘈住哂救命，入到去更加覺得似凡爾賽宮，我諗歐洲個個皇宮都係差吾多，都係有個勁華麗既mirror room，行完都4點，搭番60號電車番Westbahnhof搭地鐵去市中心搵食! 今次旅程得8日所以吾煮野食了，係時候去食大個你塊面炸豬扒[Schnitzel]，城中最出名既餐廳係Figlmuller，St. Stephen's Cathedral行前幾個街口就係，趁5點幾未到食飯時間去博下，一個人應該OK掛，入到去大叔waiter問有無reservation，無呀但好彩都有枱俾我，上左樓上好似酒窖咁，除左招牌炸豬扒仲叫左個Viennese potato soup，好濃好飲! 炸豬扒就真係勁大塊，好彩呢日無咩點食野，最後食左3/4頂吾順了，其實堅好食，炸粉薄吾太熱氣，食到口乾又叫左杯grape juice，vineyard提子係吾同D好好飲:) 埋單都廿幾歐，waiter話呢個價吾包service charge嫁 OK? 即係問你拎tips囉lol 係咁二俾3歐 服務係good既 呢棟野右邊行入去就係炸豬扒餐廳 點擊圖片放大 +3 食完出黎都只係就黎7點，即興搭鐵去Museum Quarter望下，果度有我想睇既MUMOK modern art museum，外型都好鬼型，不過收7點唯有最後一日番黎睇啦，Museum Quarter又係好多年青人喺度chill同hea既地方，個個攤哂喺紫色櫈上面 行左陣坐左陣我又番Stephenplatz，去親旅行都要去m記睇下有咩吾同xd，呢度雪糕好多選擇，但我最後係買左杯banana shake飲lol 幾好飲 點擊圖片放大 9點鬆d早d番hostel收拾行裝聽日去童話小鎮Hallstatt :D 番到去見到下格黎左個人，應該係男，見其他人未番即刻去沖涼先，點知沖完出黎已經有舊肉攤左喺下格床，外國人係鍾意吾沖涼就訓然後第朝起身先沖，仲有d男既都係undie only，上年去左一個月見慣左已經衝擊吾到老娘lol，然後佢突然彈左起身問我用完廁所未，原來都會刷牙既咁都好d，佢好鬼高，刷完出黎望住我笑左下，金毛囉但估計吾到咩國籍，然後佢繼續攤屍，好彩無鼻鼾聲thank god. 點知原來佢都係第朝就走，仲早過我出門，對話就係morning同see ya哈哈 著Vans既backpacker高佬，nice to meet you. #3完 Stay tuned x
